South African Government

www.gov.za

Let's grow South Africa together

Ngwadiša sefatanaga seo se tlišitšwego ka nageng go tšwa nageng ye nngwe

Ge e le gore o nyaka go ngwadiša sefatanaga seo se tlišitšwego ka nageng ya Afrika Borwa go tšwa nageng ye nngwe, o swanetše go dira seo ka bolaoding bja kgauswi le wena bja ngwadišo ya difatranaga.

Dingwalwa tše di latelago di a nyakega:

  • fomo ya eNaTIS (ya MVR1A goba ya RLV);
  • Pukwana ya boitsebišo ya Repabliki ya Afrika Borwa (RSA);
  • Ge o se na pukwana ya boitsebišo ya RSA:
    • Sengwalwa sa boitsebišo seo se abilwego ke naga ye nngwe goba
    • nomoro ya Setifikeiti sa ngwadišo ya sefatanaga legorong la sephethephethe
  • Dingwalwa tša mabapi le ngwadišo le laesentshe ya sefatanaga ka ntle ga RSA.
  • Lengwalo la tumelelo (LOA) go tšwa go Molaodi wa Bosetšhaba wa Melawana ya Kgapeletšo

Ge e le gore o nyaka go ngwadiša sefatanaga ka leina la khamphani, o swanetše go ba le:

  • Setifikeiti sa ngwadišo seo se abilwego go latela Molao wa Dikhamphani goba;
  • Setifikeiti sa phetošo ya leina ka ge se abilwe go latela Molao wa Dikhamphani.
  • Ge e le gore o nyaka go ngwadiša sefatanaga ka leina la khamphani ya mohlakanelwa, o swanetše go ba le:
    • Setatamente sa tlhomo ya khamphani seo se abilwego go latela Molao wa Dikhamphani tša Mohlakanelwa goba;
    • Setifikeiti sa phetošo ya leina seo se abilwego go latela Molao wa Dikhamphani tša Mohlakanelwa.

Pele ga ge sefatanaga se ka ngwadišwa, o swanetše go hwetša setifikeiti sa tumelelo go tšwa go Tirelo ya Maphodisa ya Afrika Borwa (SAPS). Sona se fiwa fela ka morago ga ge bolaodi bja ngwadišo ya difatanaga bo go file setifikeiti sa tšhuoetšo le sa ngwadišo.

Lekala la Metšhelo ya Dikhamphani la Tirelo ya Metšhelo ya Afrika Borwa (SARS) le tla fana ka bohlatse bjo bo nyakegago bja go obamela melawana le ditshepedišo tša lona. O eletšwa go ikgokaganya le SARS go hwetša tshedimošo ka botlalo.

Hwetša tshedimošo ka botlalo wepsaeteng ya eNaTIS.

O ka ikgokaganya le mang

 

Published Date: 
Wednesday, December 19, 2018
Modified Date: 
Wednesday, December 19, 2018