Hlomang Mokgatlo wa Tšhireletšo ya Mollo

Ka ga go hloma Mokgatlo wa Tšhireletšo ya Mollo

O ka hloma Mokgatlo wa Tšhireletšo ya Mollo go akanya, go thibela, go laola le go tima mello ya tlhaga mo mafelong a geno ge o le:

• mong wa naga
• modudi
• Mohlankedi phetiši wa taolo ya selegae
• o thwetše go laola naga ya Mmušo ( go akaretša le naga ya Mašole a Setšhaba a Afrika Borwa)
• go laola nag aka fase ga ditaelo tša Kgoro ya Tsheko ya Godimo.

O swanetše goba o dula lefelong leo le:

• le nago le mello ya tlhaga yeo e bago gantši goba
• goba e na le kotsi ya mello ya tlhaga 
• e na le mehlare goba dimela.

O ka se dire mokgatlo o le tee. Le swanetše goba sehlopha sa batho bao ba welago ka fase ka mekgwa ye e boletšego ka godimo, le dula lefelong le tee.

Mešomo ya lena  bjalo ka Mekgatlo ya Tšhireletšo ya Mollo e tla ba go:

• tšweletša le go diriša mokgwa wa go laola mollo es tlhaga wa lefelo la geno.
• go hlaola maemo a tlhago ao a ka hlolago mollo
• o boledišane ka kelo ya kotsi ya mollo lefelong la geno
• beakanya  gomme o hlahle maloko mo lefelong la geno go lwantšha, lwantšha le go thibela mollo
• efa Tona ya Temo, Dithokgwa le Boreahlapi dipalopalo ka ga mello ya tlhaga mo lefelong la geno
• efa tshedimošo yeo e kgopetšwego ke Tona go thibela mello ya tlhaga

Seo o swanetšego go se dira

1. Bitša mohlakano le batho bao ba nago le kgahlego ba maswanedi
2. Ge go na le tirelo ya mollo yeo e lego gona, o swanetše go fa tsebišo ya go ngwalwa go mokgatlo woo o ratago go hloma mokgatlo wo mongwe wa tšhireletšio ya mollo gomme o laletše Mohlankedi Mogolo wa Mello mo mohlakanong.
   Tšea metsotso ya mohlakano, yeo e swanetšego go laetša:
   • Ge e le gore go na le thekgo yeo e sa tsebjego goba aowa go tlhomo yay a mokgatlo wa tšhireletšo ya mollo
   • Nomoro ya dikgetho yeo e thekgago go hlongwa ga mokgatlo
   • Nomoro ya dikgetho tšeo di sa thekgego go hlongwa ga mokgatlo; le
   • Nomoro ya batho bao ba se ba kgethago  go hlongweng ga mokgatlo.
3. Ngwala gomme o saene tumelelano ya go ngwalwa o laetše gore o dira karolo ya mokgatlo
4. Kgethang modulasetulo le komiti phetiši
5. Efa leina la mokgatlo wa tšhireletšo ya mollo le tlhalošo ya lefelo la geno
6. Dira retšistara ya batho bao ba lego gona  le dikgokagano tša bona go akaretša  atrese ya poso ya batho ka moka bao ba tsenetšego mohlakanong.
7. Taonelouta gomme o iše  Fomo ya 1 ka fase ga difomo tšeo o swanetšeego go di tlatša, gore di dumelelwe ke Kgoro ya Temo, Dithokgwa le Boreahlapi.
8. Ge Kgoro ya Temo, Dithokgwa le Boreahlapi bo dumelela kgopelo,  o swanetše go taonelouta tše di latelago gomme o romele  Fomo ya 2 gomme o kgomaretše tše di latelago:

• metsotso ya mohlakano
• molaotheo wa mokgatlo wa tšhireletšo ya mollo le 
• polane ya kgwebo ya mokgatlo wa tšhireletšo ya mollo, yeo e akaretšago mokgwa le melao ya  go laola mollo wa tlhaga.

Lebaka

Ga go na tlhako ya nako yeo e beilwego

E dira tshenyagelo ya bokae

Tirelo ga e lefelwe

Diforomo tšeo di swanetšwego go tlatšwa

Forms are available from the Department of Forestry, Fisheries and the Environment
 

Dintlha tša boikopanyo