Ingwadiše bjalo ka motšweletši goba moreki wa dikoloi dinageng tša ntle

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Mabapi le go ingwadiše bjalo ka motšweletši goba moreki wa dikoloi dinageng tša ntle

Motho ofe le ofe yo a tšweletšago, a agago goba a fetolago sebopego sa dikoloi goba a rekago dikoloi dinageng tša ntle ka maikemišetšo a go di rekiša o swanetše go ingwadiša le Kgoro ya Dinamelwa.

Morago ga go amogela kgopelo ya gago, Kgoro ya Dinamelwa profenseng e tlo romela balekodi ba yona go yo lekola lefelo leo mokgopedi a šomelago go lona ka maikemišetšo a go kgonthiša gore lefelo leo le sepelelana le melawana ye e beilwego. Gape kgwebo ya gagwe e tlo swanela ke go sepela ka melawana ya SARS.

Seo o swanetšego go se dira

Ikopanye le Kgoro ya Dinamelwa profenseng ya geno oye le ditokumente tše di latelago:

• khopi ye e setheifailwego ya pukwana ya gago ya boitsebišo
• khopi ye e setheifailwego ya setifikeiti sa kgwebo
• lengwalo la boemedi ge e le gore o moemedi wa khamphani
• nomoro ya Khouto ya Moreki (Custom Code Number) go tšwa go Ditirelo tša Matlotlo tša Afrika-Borwa (ge o reka dikoloi go tšwa dinageng tša ntle)
• setifikeiti sa bohlatse (clearance certificate) go tšwa go Tirelo ya Maphodisa a Afrika-Borwa.

Lebaka

Kgopelo e phethwa ka lona letšatši leo e dirilwego ka lona gomme setifikeiti sa boingwadišo se fiwa ka letšatši le le latelago.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

Fomo ya MIB (Kgopelo le Tsebišo ya go ba Motšweletši/Moreki wa Dikoloi tša Dinaga tša Ntle/Moagi wa Dikoloi) (Application and notice i.r.o registration of a manufacturer/importer/builder of vehicles [Form MIB])

Dintlha tša boikopanyo