Ngwadiša moakanyetšo wa gago le Komišene ya Dikhamphani le Ditheo tša Boikgopolelo le Boitlhamelo (CIPC) gore o hwetše ditokelo tša go ikgetha tša go diriša moakanyetšo le go thibela gore ba bangwe ba se ke ba o dira, ba o reka go tšwa ka ntle goba go o diriša.
Go na le mehuta ye mebedi ya meakanyetšo yeo o ka e ngwadišago: moakanyetšo wa bokgabo le moakanyetšo wa go dirišega. Moakanyetšo wa bokgabo o na le sebopego sa moswananoši, peakanyo goba mokgabišo wo o gogelago mahlo. Moakanyetšo wa go dirišega o na le sebopego goba peakanyo yeo e nyakegago go mošomo wa yona. Moakanyetšo wa bokgabo o šireletšwa ka semolao tekano ya mengwaga ye 15 mola moakanyetšo wa go dirišega o šireletšwa mengwaga ye 10.
O swanetše go mpshafatša boingwadišo bja gago ngwaga ka ngwaga pele ga go fetwa ke nako mo ngwageng wa boraro, go tloga ka letšatši la boingwadišo.
Hwetša dintlha ka botlalo mabapi le go ngwadiša meakanyetšo go tšwa go Komišene ya Dikhamphani le Ditheo tša Boikgopolelo le Boitlhamelo (CIPC) goba o leletše CIPC mo go 086 100 2472.
