Kgopelo ya go ngwadiša leswao la kgwebo

Ngwadiša leswao la kgwebo ya gago le Komišene ya Dikhamphani le Ditheo tša Boikgopolelo le Boitlhamelo (CIPC), go thibela gore bao ba phenkginšanago le wena ba se ke ba le diriša. CIPC e laola Ngwadišo ya Maswao a Kgwebo, ao e lego rekhoto ya semmušo ya maswao ka moka a kgwebo ao a diretšwego dikgopelo ka tsela ya semmušo le/goba go ngwadišwa ka go Repabliki ya Afrika Borwa, go tloga ka 1916.

Dikgopelo di ka dirwa mo diphapošing tše 45 tša go fapana, go ya ka diphahlo le/goba ditirelo tšeo leswao la kgwebo le tla bego le di dirišetšwa. Dintlha mabapi le mokgwa wa boditšhabatšhaba wa go tlhopha, Mokgwa o Kaone wa go Tlhopha, di ka hwetšwa mo go websaete ya Mokgahlo wa Lefase wa Ditheo tša Boikgopolelo le Boitlhamelo Leswao leo le ngwadišitšwego la kgwebo le ka šireletšwa go ya go ile, ge e le gore o mpšhafatša boingwadišo mo mengwageng ye mengwe le e mengwe ye lesome.

Hwetša dintlha ka botlalo mabapi le go ngwadiša leswao la kgwebo go tšwa go Komišene ya Dikhamphani le Ditheo tša Boikgopolelo le Boitlhamelo le Boitlhamelo (CIPC) goba o leletše CIPC mo go 086 100 2472.

 

Share this page