Ditlabelo tsa thomelontle ya diphoofolo

Ka ga go dira kgopelo ya tumelolo le go ngwadiša didirišwa tša go romela ntle dingaka tša diphoofolo

O ka romela ntle fela diphoofolo goba ditšweletšwa tša diphoofolo ge di etšwa mafelong ao a latelago melao ya boditšhabatšhaba goba melao ya naga yeo e rekago ntle. Mafelo ao a dumeletšwego a bohlabelo, mafelo a tswalelelo, senthara ya kemarišo ya maitirelo, senthara ya go tšea pelwana, polase, lefelo la go bea diphoofolo, feme ya go khuša dijo, lefelo la go boloka dijo. 

Seo o swanetšego go se dira

1. Kgokagana le Ngaka ya Diphoofolo ya Mmušo ya Profense ya kgauswi go dira kgopelo ya ngwadišo ya go romela ntle.
2. Beakanya le Ngaka ya Diphoofolo ya Mmušo ya Profense  go lekola didirišwa. 
3. Ngaka ya Diphoofolo ya Mmušo ya Profense o tla feleletša pego ya tekolo, le tlhohleletšo le tigelo, gomme a e romela Kgorong ya Temo, Dithokgwa le Boreahlapi go hwetša tumelelo.  
4. Ge e dumeletšwe, Kgorong ya Temo, Dithokgwa le Boreahlapi e tla ngwadiša sedirišwa gomme ya ntšha setifikeiti sa go romela ntle, seo gantši se tšeago ngwaga o tee.   

Lebaka

E fapana go ya ka diprofense.

E dira tshenyagelo ya bokae

Ditshenyagelo di fapana go ya ka diprofense.

Diforomo tšeo di swanetšwego go tlatšwa

Difomo ga di hwetšagale onelaeneng, kgokagana le Ngaka ya Diphoofolo ya Mmušo ya Profense goba  le Kgoro ya Temo ya Bosetšhaba (Department of Agriculture, Forestry and Fisheries)

Dintlha tša boikopanyo