Ge e le gore koporase ya gago ye nnyane (CC) e godile gomme o nyaka go phenkgišana le dikhamphani tše kgolo ka mmarakeng o tee, o ka e fetolela go ba khamphani ka go Komišene ya Dikhamphani le Ditheo tša Boikgopolelo le Boitlhamelo (CIPC). Go fetolela CC ya gago go ba khamphani go tla go kgontšha go laletša maloko a mangwe go tla go beeletša bjalo ka bengdišere ka kgwebong ya gago.
Maloko ka moka a CC a swanetše go saena lengwalo la go dumela go fetola CC go ba khamphani le go ba bengdišere ka gare ga khamphani. Ge e le gore o nyaka go fetola leina la CC ya gago, o swanetše go ipeela leina.
Hwetša dintlha ka botlalo mabapi le go fetolela CC go ba khamphani go tšwa go Komišene ya Dikhamphani le Ditheo tša Boikgopolelo le Boitlhamelo (CIPC) goba o leletše CIPC mo go 086 100 2472.
