Lenenaeo la Kaonafatšo ya Bophadišane bja Diaparo le Dilogwa (CTCP)

Maikemišetšo a CTCIP ke go aga bokgoni gare ga balogi ba diaparole ka makaleng a mangwe a tšwelopele ya modiro wa diaparo mo Afrika Borwa, go ba kgontšha go tšweleletša ditšweleletšwa tša bareki ba bona ka tshwanelo le go phadišana lefaseng ka bophara. Phadišano ye bjalo e akaretša ditaba tša tshenyegelo, boleng, nolofalo, tshepagalo, kamantšho le bokgoni bja go thoma.

Ka morago ga ge mmušo o beile nyakego ya go rekwa ga ditšweletšwa tša ka mo nageng ka 100%, lekala la botšweletši bja diaparo, dilogwa, mekgopha le dieta le itemogetše tšweletšoleswa ya ditšweletšwa tšeo nakong ya gofeta tšweletšo ya tšona ya ka mo nageng e be e emišitšwe. Se se akaretša mašela a sethekniki, dieta tša tšhireletšo, mašela a tšhireletšo le mašela a go dirwa ka khathune.

Tsenogare ye, ye e thekgilwego gape ke Lenaneo la Kaonafatšo ya Bokgoni bja Botšweletši bja Diaparo le Dilogwa, le tsentše letsogo go fetošeng ga lekala le. Ge o arabela go dithoto tša diaparo tša theko ya fase tše di tsenywago ka mo nageng, mmušo o okeditše motšhelo wa go tsenya dithoto ka mo nageng go fihla go 45% go sepelelana le melawana ya Mokgatlo wa Kgwebišano wa Lefase.

Hwetša tshedimošo ka botlalo ka lenaneo le go tšwa go Kgoro ya Bogwebi le Intaseteri.

 

the dti Customer Contact Centre
Tel: 0861 843 384

Share this page