Dira kgopelo ya go tsenya ngwana sekolo ka gae

Ge o rata go ruta ngwana wa gago ka gae o swanetše go dira kgopelo go hlogo ya Kgoro ya Thuto ya ka Profenseng go ngwadiša ngwana wa gago bjalo ka yo a tlago tsena sekolo ka gae. O ka ithutela ngwana wa gago goba wa thwala morutiši gore a mo rute.

Dithutišo tše o di rutago ngwana wa gago di swanetše go wela ka gare ga mollwane wa dikgatothuto tša kgapeletšo tše di latelago:

  • kgatothuto ya motheo (dikreiti tša 1 - 3)
  • kgatothuto ya magareng (dikreiti tša 4 - 6)
  • kgatothuto ya godingwana (dikreiti tša 7 - 9).

Hwetša tshedimošo ka botlalo ka ga go tsenya ngwana sekolo ka gae goba ikgokaganye le Kgoro ya Thuto ya Motheo.

Share this page