Setifikeiti se se lahlegilego goba seo se senyegilego
Dira kgopelo ya go hwetša setifikeiti se sengwe sa gago sa marematlou (Setifikeiti sa Marematlou sa Bosetšhaba) ka Kgorong ya Thuto ya Motheo goba ka kgorong ya thuto ya ka profenseng ge e le gore o timeditše setifikeiti sa gago sa mathomong goba se senyegile. O ka dira kgopelo wa lefa gore o fiwe setifikeiti se sengwe inthaneteng.
O ka kgopela setatamente sa dipoelo ge o sa emetše gore setifikeiti sa gago se lokollwe. Ge e le gore setifikeiti sa gago se senyegile, o swanetše go tliša setifikeiti seo se se senyegilego go Kgoro ya Thuto ya Motheo.
Hlokomela: Go dira kgopelo ya go fiwa setifikeiti sa gago se sengwe sa marematlou ka ge sa mathomong se lahlegile goba se senyegile go ka fapana go ya ka profense.
Phetošo ya maemo
Ge e le gore o ngwadile marematlou ka mafelong a ditlhahlobo a go feta le tee gomme o nyaka go kopanya dithuto tše o tšweletšego go tšona gore o be le maswanedi a go hwetša Setifikeiti sa Marematlou, o swanetše go dira kgopelo ya go fiwa setifikeiti se sengwe: e lego phetošo ya maemo. Kgoro ya thuto ga e kopanye dithuto tša gago tše o atlegilego go tšona semeetseng, ka ntle le ge o ngwadile ditlhahlobo tša tlaleletšo. O ka dira kgopelo ya se gape inthaneteng.
O ka dira kgopelo ya gore go dirwe tiišetšo ya setatamente sa dipoelo ge o sa emetše Setifikeiti sa gago sa Marematlou.
Hwetša tshedimošo ka botlalo mabapi le go hwetša setifikeiti se sengwe sa marematlou go Kgoro ya Thuto ya Motheo.
- Kantoro ya Bosetšhaba: 012 357 4511/13
certification@dbe.gov.za - Kapa Botlhaba: 043 604 7709/73
- Foreisetata: 051 404 8000
- Gauteng: 011 355 0588
- KwaZulu-Natal: 031 327 0538/0331
- Limpopo: 015 290 7747/7830
- Mpumalanga: 013 766 0033
- Kapa Bokone: 053 839 6585
- Bokone Bophirima: 018 384 3100/51
- Kapa Bophirima: 021 467 2483
