Go dira kgopelo ya go ba le ngwana wa lefepša wa leloko la geno go tšwa nageng ye nngwe

Mabapi le go ba le ngwana wa lefepša go tšwa go ba leloko la geno nageng ye nngwe

O ka dira kgopelo ya go ba le ngwana wa lefepša go tšwa go ba leloko la geno ka Afrika Borwa gomme wa tšea ngwana yoo gore a yo dula le wena nageng yeo o dulago go yona. Ge wena o dula mo Afrika Borwa gomme ngwana yoo a le nageng ya ntle, o ka dira kgopelo ya gore ngwana yoo a tle a dule le wena ka Afrika Borwa  ge kgopelo ya gago e atlegile nageng yeo ngwana a dulago go yona.

Go ba le ngwana wa lefepša go tšwa go ba leloko la geno nageng ye nngwe go ama go fetiša semmušo ditokelo tša go godiša ngwana go tšwa go batswadi ba gagwe ba madi go ya go wena nageng yeo o dulago go yona.

Gore o kgone go ba le ngwana wa lefepša go tšwa lelokong la geno ka Afrika Borwa, o swanetše go ikopanya le lekala la maleba nageng ye o dulago go yona. Ge lekala la maleba le se gona nageng ya geno, o ka ikopanya le Mokgahlo wa Boditšhabatšhaba wa tirelo ya Leago (ISS) gore o go thuše tabeng ye.

Ge ngwana a dula nageng ya ka ntle, o swanetše go ikopanya le South African Central Authority (SACA), mme yona e tlo romela kgopelo ya gago go mokgahlo wo o dumeletšwego wa tšhireletšo ya bana. Ge mokgahlo woo o ka hwetša e legore o a kgotsofala gore wena o ka ba motswadi wa maleba wa ngwaga yoo wa lefepša, o tlo hlama pego ye o tlogo e romela go mokgahlo wa naga yeo ngwana a lego go yona. Mokgahlo woo wa naga ya ntle le wona o tlo dira dinyakišišo wa romela pego Afrika Borwa malebana le ngwana yo a bongwego.

Ge dinaga ka bobedi di ka dumella kgopelo ya gago, o tlo swanela ke go ya nageng yeo ngwana a lego go yona go yo feleletša tša kgoppelo ya gago.

Go ba le ngwana wa lefepša wa leloko ke tiragalo ye e ka phethwago le ge e le gore naga ya geno ga ya saenela tumellano (Hague or non-Hague country).

Seo o swanetšego go se dira

• Ge ngwana a etšwa Afrika Borwa, magato a a swanetšego go gatwa ke a:
  • Ge o le nageng ya ntle gomme o nyaka go ba le ngwana wa lefepša go tšwa lelokong la gago la mo Afrika Borwa, o swanetše go ikopanya le lekala la maleba nageng ya geno.
  • Mokgahlo o tlo go lekola go bona ge e le gore o kgotsofatša dinyakwa tša go ba motswadi wa ngwana wa lefepša. Ge mokgahlo woo o ka hwetša e legore o a kgotsofala gore wena o ka ba motswadi wa maleba wa ngwaga yoo wa lefepša, o tlo hlama pego ye o tlogo e romela go SACA, gomme SACA yona e tlo e romela go mokgahlo wa tšhireletšo ya bana.
  • Mokgahlo wa Afrika Borwa wa tšhireletšo ya bana o tlo nyakišiša ka ngwana yo a amegago go bona ge e le gore a ka fepša ke motho yo mongwe. Modirelaleago o tlo kgonthiša gore motho yo mongwe le yo mongwe yo a swanetšego go ga tumello ka ngwana yoo o dira bjalo ka kgorotshekong ya bana.
  • Batho ba ba amegago ba tlo fiwa matšatši a 60 gore ba fe tumello pele ngwana a ka lokollwa gore a yo fepša ke motho yoo
  • Mokgahlo o tlo hlama pego gomme wa e romela nageng ya ntle.
  • Ge dinaga ka bobedi di ka dumella kgopelo  ya gago, o tlo swanela go tla Afrika Borwa gore o tle o feleletše lebaka le.
• Ge e le gore Afrika Borwa ke naga ye e tlogo amogela ngwana gomme wena o Moafrika Borwa yo a nyakgo go ba le ngwana wa lefepša go tšwa go ba leloko la geno nageng ya ntle, o swanetše go gata magato a a latelago:
  • O swanetše go ikopanya le South African Central Authority (SACA), ye le yona e tlogo romela kgopelo ya gago go mokgahlo wa tšhireletšo ya bana.
  • Mokgahlo wa tšhireletšo ya bana o go lekola go ban age e le gore o kgotsofatša dinyakwa tša go ba motswadi wa ngwana wa lefepša. Ge mokgahlo o ka hwetša o kgotsofatša dinyakwa tšeo, o tlo hlama pego gomme wa  e romela go mokgahlo wa naga ya ntle.
  • Mokgahlo wa naga ya ntle wa tšhireletšo ya bana o tlo nyakišiša ka ngwana yo a amegago go bona ge e le gore a ka fepša ke motho yo mongwe gomme wa ngwala pego ka botlalo. Pego yeo e tlo romelwa go mokgahlo wa maleba ka mo Afrika Borwa, e lego South African Central Authority.
  • Ge dinaga ka bobedi di ka dumella kgopelo  ya gago, o tlo swanela go ya nageng yeo ya ntle gore o tle o feleletše lebaka le.

Lebaka

E fapana go ya ka kgopelo.

E dira tshenyagelo ya bokae

O swanetše go dira kgopelo mokgahlong wo o dumeletšwego wa go šoma ka bana ba mafepša

Diforomo tšeo di swanetšwego go tlatšwa

Ikopanye le ‘Central Authority’ mo nageng ya geno.

Dintlha tša boikopanyo

Ikopanye le ‘Central Authority’ mo nageng ya geno.