Dira kgopelo ya go ba le ngwana yo e sego wa gago ka madi

Tumellano ya go bitšwa Hague Convention

Ge o le motšwantle gomme o nyaka go ba motswadi yo e sego wa madi e le ngwana wa Moafrika Borwa,  o swanetše go thoma ka go nyakišiša gore naga ya geno e saenetše tumellano ya go bitšwa Hague Convention. Tumellano ye e hlaloša mekgwa ye e swanetšego go šomišwa ke dinaga nakong ya ge motho a nyaka go ba le ngwana yo e sego wa madi go tšwa nageng ye nngwe.  

O ka šomiša mekgwa yeo e hlalošwago ke tumellano yeo ge e le gore naga ya geno, bjalo ka Afrika Borwa, e saenetše Tumellano ya Hague.

Tumellano yeo e beile dikgahlego tša ngwana pele gomme e thibela go utswa, go šomišwa bošaedi , go rekišwa ga bana, le gotšhomišo ya bana diokobatšing.

Ba molao nageng ya geno ba swanetše go go laela moo mokgahlo wo o dumelletšwego go šomana le merero ya go fepša ga bana gore o dirwe diteko. Mokgahlo woo le wona o tlo ikopanya le mokgahlo wa tšhireletšo ya bana mo Afrika Borwa go thuša go nyaka bana bao ba nago le maswanedi a go fepša ke batho ba bangwe.  

Seo o swanetšego go se dira

• Ikopanye le ‘Central Authority’ nageng ya geno
• ‘Central Authority’ e tlo go laella go mokgahlo wo o šomago ka bana ba mafepša mo nageng ya geno gore go dirwe ditekolo go bona ge e le gore o na le maswanedi a go fepa ngwana yo e sego wa gago ka madi
• Ge mokgahlo woo o ka hwetša e le gore o na le maswanedi a go fepa ngwana yo e sego wa gago ka madi, mokgahlo woo o tlo ngwala pego wa e romela go South African Central Authority (SACA)
• SACA e tlo romela pego yeo go mokgahlo wa tšhireletšo ya bana wo o nago le tumellano ya  go šoma ka merero ya go fepša ga bana le mokgahlo wa naga ya ntle gore o thome go nyaka ngwana yo a lego gona go ka fiwa mokgopedi
• Ge go na le ngwana, mokgahlo wa tšhireletšo ya bana o tlo hlama pego ya tekolo ya ngwana woo gomme wa e romela go SACA gore kgopelo yeo e dumellwe (Athekele 17)
• Mokgahlo wa tšhireletšo ya bana wa Afrika Borwa o tlo romela pego yeo mokgahlong wa naga ya ntle gore go bonwe ge e le gore go na le nyalano gare ga ngwana yoo le batswadi bao ba dirilego kgopelo.  
• Ge e le gore o sa na le kgahlego ya go fepa ngwana yo e sego wa gago ka madi, ‘Central Authority’ mo nageng ya geno e tlo fana ka  Athekele 17, ye e fago tumello ya kgopelo ya gago.
• Athekele 17 go tšwa go mokgahlo wa naga ya geno  e tlo romelwa mokgahlo wa tšhireletšo ya ditokelo tša bana Afrika Borwa. Mokgahlo woo wa tšhireletšo ya bana o tlo go tsebiša gore o tle Afrika Borwa gore o tle o feleletše taba ya kgopelo ya go ba le ngwana yo e sego wa gago ka madi ka kgorotshekong ya bana.
• Kgorotsheko yeo e tlo phetha ka taba yeo gomme ya romela ditokumente go SACA gore go kgonthišwe le go ngwadiša ngwana yoo.
• SACA e tlo ntšha Setifikeiti sa Tumello
• Mokgahlo wa naga ya ntle o tlo go fa tirelo ya tlhokomelo ya bana ka morago ga diiri tša mošomo tekano ya mengwaga ye mahlano

Lebaka

E fapana go ya ka kgopelo.

E dira tshenyagelo ya bokae

O swanetše go dira kgopelo mokgahlong wo o dumeletšwego wa go šoma ka bana ba mafepša.

Diforomo tšeo di swanetšwego go tlatšwa

Ikopanye le ‘Central Authority’ goba ISS mo nageng ya geno.