Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo
Mabapi le go ba le ngwana yo e sego wa gago ka madi nageng ye e sego ya saenela tumellano
Ge o le motšwantle gomme o nyaka go ba le ngwana yo e sego wa gago ka madi go tšwa Afrika Borwa gore o mo fepe eupša naga ya geno e se ya saenela tumellano ya go bitšwa Hague Convention, o ka dira kgopelo ya go ba le ngwana yo e sego wa gago ka madi ka go ikopanya le ‘Competent Authority’ goba ‘International Social Services’ (ISS) mo nageng ya geno.
- Ikopanye le ‘Central Authority’ goba ISS mo nageng ya geno.
- ‘Competent Authority’ goba ISS e tlo go laella go mokgahlo wo o šomago ka bana ba mafepša mo nageng ya geno gore go dirwe ditekolo go bona ge e le gore o na le maswanedi a go fepa ngwana yo e sego wa gago ka madi.
- Ge mokgahlo woo o ka hwetša e le gore o na le maswanedi a go fepa ngwana yo e sego wa gago ka madi, mokgahlo woo o tlo ngwala pego wa e romela go South African Central Authority (SACA).
- SACA e tlo romela pego yeo go mokgahlo wa tšhireletšo ya bana wo o nago le tumellano ya go šoma ka merero ya go fepša ga bana le mokgahlo wa naga ya ntle gore o thome go nyaka ngwana yo a lego gona go ka fiwa mokgopedi.
- Ge go na le ngwana, mokgahlo wa tšhireletšo ya bana o tlo hlama pego ya tekolo ya ngwana woo gomme wa e romela go SACA gore kgopelo yeo e dumellwe (Athekele 17).
- Mokgahlo wa tšhireletšo ya bana wa Afrika Borwa o tlo romela pego yeo mokgahlong wa naga ya ntle gore go bonwe ge e le gore go na le nyalano gare ga ngwana yoo le batswadi bao ba dirilego kgopelo.
- Ge e le gore o sa na le kgahlego ya go fepa ngwana yo e sego wa gago ka madi, ‘Central Authority’ mo nageng ya geno e tlo fana ka Athekele 17, ye e fago tumello ya kgopelo ya gago.
- Athekele 17 go tšwa go mokgahlo wa naga ya geno e tlo romelwa mokgahlo wa tšhireletšo ya ditokelo tša bana Afrika Borwa. Mokgahlo woo wa tšhireletšo ya bana o tlo go tsebiša gore o tle Afrika Borwa gore o tle o feleletše taba ya kgopelo ya go ba le ngwana yo e sego wa gago ka madi ka kgorotshekong ya bana.
- Kgorotsheko yeo e tlo phetha ka taba yeo gomme ya romela ditokumente go SACA gore go kgonthišwe le go ngwadiša ngwana yoo.
- SACA e tlo ntšha Setifikeiti sa Tumello.
O swanetše go dira kgopelo mokgahlong wo o dumeletšwego wa go šoma ka bana ba mafepša
Diforomo tšeo di swanetšwego go tlatšwa
Ikopanye le ‘Central Authority’ goba ISS mo nageng ya geno.
Ikopanye le ‘Central Authority’ goba ISS mo nageng ya geno.