Nangabe umqatjhakho aquntula umsebenzakho, unelungelo lokwenza isibawo senzuzo esiKhwameni seTjhorensi yabangaSebenziko (i-UIF).
Inzuzo itholakala kwaphela nangabe bewukhokha i-UIF lokha nawusasebenzako. Angekhe-ke wakwazi ukutleyima nangabe uzilisele emsebenzini, ujanyisiwe emsebenzini nanyana ubaleke bukhukhutha emsebenzini. Ungakwazi ukwenza itleyimi nangabe Ikhomitjhini yokuThobelana, yokuColela nokuLamulisa ithatha ukuyekela kwakho emsebenzini njengokuzwakalako.
Ukuze ube nelungelo lenzuzo kufanele utlolise njengomuntu ofuna umsebenzi. Kufanele wenze isibawo ku-UIF msinyazana nje nawuqeda ukuba ngongasasebenziko nanyana usenze kungakapheli iinyanga ezisithandathu emva kobana ulise umsebenzi.
Tlola ilwazi elingezelelweko elimayelana nenzuzo yokungasasebenziko nanyana thintana nama-ofisi we-UIF.
