UmNyango weTjhebiswano nokuSebenza kweenTjhabatjhaba (i-DIRCO) unikela ngesizo lasimahla lokutloliswa kwezakhamuzi zeSewula Afrika ezikhambela namkha ezihlala ngaphetjheya. Imininingwana enikelweko isetjenziswa lokha nakunesidingo sokuthintana nawe ngomnqopho wokukunikela isiyeleliso ngobujamo oburhabako behlekelele yemvelo namkha imiguruguru namkha ubujamo oburhabako obuthinta umndenakho.
Imininingwana enikelwe i-ROSA ngokusebenzisa foromo lokuzitlolisa le-inthanethi ingasetjenziswa mNyango uku:
- thintana nezakhamuzi zeSewula Afrika nemindenazo ngananyana ngiwuphi umnqopho owamukelekako nakunesidingo
- qinisekisa ivikeleko nehlalakuhle yamaSewula Afrika angaphetjheya nokubanikela isizo.
Tlolisa ku-ROSA ngokusebenzisa i-inthanethi. I-DIRCO isebenzisa ithekhnoloji yeenGaba eziHlukeneko zokuPhepha (i-SSL) neemvikeli zethekhnoloji ngomnqopho wokuvikela imininingwanakho.
