Okuphathelene
Ofanele ukwenze
Isikhathi esibekiweko
Kubiza malini
Amaforomo ekufanele uwazalise
Uthintana Nobani
Malungana nokutlolisa ezikweni lefundo ephakemeko
Ungaraga iimfundo zakho eyunivesithi, eyunivesithi yethekhnoloji namkha ekholiji yokufundela umsebenzi i-TVET oyithandako, nayibe unazo iimfuneko zokufunda khona.
Amayunivesithi afundisa iimfundo ezenza umuntu abe sisazi kezefundo, zifundise neemfundo ezilungiselela umuntu umsebenzi azawusebenza, kanti-ke amayunivesithi wethekhnoloji nama-TVET wona afundisa iimfundo zomsebenzi wezandla.
Zitholele ngokwakho eyunivesithi namkha ekholiji ongathanda ukuyokufunda kiyo ukuthi yini ubuncani beemfundo ezifunekako nawuzakukghona ukuyokufunda khona.
Nayibe umfundi wamazwe ngamazwe, kufuze uthome ngokwenza isibawo semvumo yokufunda eSewula Afrika, ema-Ofisini wabaZenda beSewula Afrika namkha ema-ofisini wabarhwebelani elizweni lapho udabuka khona. Iincwadi zakho zefundo ozithole emazweni wangaphandle kufuze bona zihlolwe liBandla eliQinisekisa iziQu leSewula Afrika (i-SAQA) ngaphambi kobana uzitlolisele ukufunda. Ukuhlola iincwadi ngaleyondlela kungathatha amalanga angabe afike kali-16.
Ofanele ukwenze
- Ngokukhambisana namaphuzu wokungena kwakho neemfuneko zeziko lezefundo ephakemeko ofuna ukufunda kilo, khetha isifundo olungele (ovunyelwe) ukusithatha;
- Nayibe utlolise ezikweni lefundo langeqadi, hlolisisa ukuthi izikwelo litlolisiwe emNyangweni wezeFundo ePhakemeko nokuBandula na
- Isibawo sokufunda lapho ufuna ukufunda khona sithumele kileloziko lezefundo othanda ukuyokufunda kilo ngokwalo.
- Zalisa amaforomu wokwenza isibawo alayelelwe ukuzaliswa weziko lezefundo lapho uthanda ukuyokufunda khona.
- Faka iforomu lakho lesibawo nayo yoke imitlolo efunekako kileloziko lezefundo othanda ukuyokufunda kilo.
Nayibe umfundi wamazwe ngamazwe, yenza isibawo sokuthola lokhu okulandelako:
- Imvumo yokufunda … i-study permit
- Umphumela wokuhlolwa kweemfundo zakho zangaphambilini yi-SAQA … the evaluation of your earlier qualifications by Saqa.
Kuthatha isikhathi esingangani
Amaziko wefundo ephakemeko ngokwahlukahluka kwawo athatha iinkhathi ezihlukileko ukuqeda ukufundisa iimfundo ezifundiswako.
Kubiza malini
Imali yokufunda iyahlukahluka emazikweni wefudo ephakemeko ngokwahlukahluka kwawo.
Amaforomu ekufuze azaliswe
Amaforomu wokuzitlolisa ayatholakala emayunivesithi nemakholiji ama-TVET.
