Kufanele utlolisele ukubhadela intela kuZiko lokuButhelela iNtela leSewula Afrika (i-SARS) nawukhongozela umrholo ongaphezu kwenani elithileko elitjhejwa njalo ngonyaka. Kufanele utlolise kungakadluli amalanga ama- 60 ukhongozele.
Tlolisela ukubhadela intela, ngokuzalisa iforomo lokutlolisa i-IT77 elitholakala kubunzinzolwazi be-SARS.
Lithunyelwa bunjani iforomo lentela – Umuntu ngamunye
Nasele utlolisele ukubhadela intela wanikelwa nenomboro yentela, ungatlolisela ukusebenzisa i-eFiling ku: www.sarsefiling.co.za bese uthumela amaforomo wakho wentela kubunzinzolwazi nakuthoma isikhathi sentela.Nawungakatloliseli i-eFiling, bakwa-SARS bazakuthumela iforomo ekufanele ulizalise bewulibuyisele kibo.
Kufanele uthumele iforomo lentela kebakwa-SARS ukobana i-SARS ibale beyiqunte ukuthi kufanele ubhadele intela engezelelweko namkha kufanele bakubuyisele imali. Intela yengeniso yintela ejayelekileko ebhadelwa kungeniso yakho ekufanele ibe nentela.
Fumana ilwazi elinabileko ngokutlolisela ukubhadela intela nangokuthi ungalibuyisela bunjani iforomo lakho lentela namkha uthintane nebakwa-SARS ukuze ufumane ilwazi elinabileko.
SARS Contact Centre: 0800 00 7277
