Isibawo sokuletha ngenarheni inyama etja (ehlaza) namkha ukuyidlulisa eSewula Afrika

Okuphathelene nesibawo sokuletha eSewula Afrika inyama etjha (ehlaza) kufaka ukuyingenisa namkha ukuyidlulisa

Nayikuthi ufuna ukuletha ngenarheni inyama etjha (ehlaza) (kufaka ubudeni) eSewula Afrika namkha ukukhambisa inyama enjalo ukudlula eSewula Afrika, umthetho ufuna bonyana wenze isibawo begodu unikelwe imvumo yokuletha ngenarheni isilwana namkha imvumo yokudlulisa ebuya kumNqophisi wokuPhila kuhle kweenLwana. Kufuze ufumane lemvumo ngaphambi kobana umthwalo usuke enarheni ethumelako.

UmNqophisi wokuPhila kuhle kweenLwana weSewula Afrika uzakukhupha imvumo yokuletha ngenarheni kuphela namkha yokudlulisa inyama etjha (ehlaza) eenarheni lapho ahlolisise bewavuma imisebenzi yetjhejo leenlwana kanye nobujamo bokuphila kuhle kweenlwana. (Ilwazi litholakala ku-ElmarieV@daff.gov.za , umtato 012 319 7700 namkha efeksini ethi 012 329 6892).

Kuneenkambiso ezihlukeneko zokuletha ngenarheni ezisebenza ngokuya kwemikhiqizo nobujamo bokuphila kuhle kweenlwana eenarheni ezihlukeneko. Ngombana iimfuno zamaphilo zitjhuguluka njalo, sibawa uthinte ubuNqophisi bezokuPhila kuhle kweenLwana (umtato: 012 319 7420 /7524 /7700, Ifeksi 012 329 6892) ukufumana iimfuneko zanjesi. Iimvumo zokuletha ngenarheni zisebenza isikhathi esithileko kuphela kanye nemthwalweni munye kwaphela.

Ukuletha ngenarheni ngokusebenzisa iinarha zesithathu akwamukeleki.

Kumsebenzi wakho njengoletha ngenarheni ukufunda nokukhambisana nobujamo bemvumo yokuletha ngenarheni isilwana.

Ngokuya komThetho wokuPhepha kweNyama waka-2000 (umThetho 40 waka-2000) inyama ekghadzisiweko neqandisiweko ingalethwa kuphela ngenarheni ukusuka kubahlabi, eendaweni zokusika nokulungisa inyama ezivunywe ngu-National Executive Officer of South Africa.

Irhemo leendawo ezivunyiweko lingafunyanwa lapha namkha dosela umtato ku-012 319 7700 namkha feksela isibawo ku-012 329 6892.

Umthwalo wenyama elethwa ukusuka ngaphetjheya kwamalwandle ngokusebenzisa ilwandle ingalethwa kuphela nayithuthwa ngeemumathi ezineenqandisi. Akunamithwalo engakafakwa yavalelwa ngeemumathini ezakwamukelwa. Inyama etjha (ehlaza) ingalethwa ngenarheni kuphela nayikuthi imakhaza namkha iqandiswe ngamazinga wokutjhisa atjhiwo emvumeni yokuletha ngenarheni isilwana.

Okufanele ukwenze

Zalisa iforomo lesibawo lokuletha ngenarheni/ukukhambisa ngokuthutha inyama ingene/namkha idlule eSewula Afrika (i-Application to import/move in transit meat into/through the Republic of South Africa).
Nayikuthi imikhiqizo iyathuthwa ukudlula eSewula Afrika kufuze ulethe ikhophi yemvumo yokulethwa ngenarheni kwesilwana esuka enarheni okuzakuphelela kiyo umthwalo nesibawo semvumo yokudlulisa eSewula Afrika.
Kufanele ubhadele imvumo.
Dibhozida imali yembhadelo yemvumo e-akhawuntini yebhanka yomNyango:
Igama lebhanka: Standard Bank of South Africa
Igama lomnikazi we-akhawunti: National Department of Agriculture
Inomboro ye-akhawunti: 011219556 International Band
Igatja: 010845
I-IB brand 0001982 Centre Code
I-Swift Code: SBZA-ZAJJ
Igama legatja: Arcadia.
Ebujameni lapho wenzela omunye isibawo, sibawa uqinisekise bonyana ubhadela egameni lakhe namkha lekhamphani leyo. Ireferensi kufuze kube ligama nesibongo somuntu oletha ngenarheni.
Iimbhadelo godu zingenziwa ema-ofisini womNyango wezokuLima, amaHlathi neenHlambi arhenyiswe ngaphasi kwemininingwana yokuthintana.
Nguwe ozakubhadela iimali zebhanka kanye neemali zebhanka yangaphandle. UmNyango angeze wakhupha imvumo nayikuthi imali epheleleko ayikafunyanwa. (Ibuyekezwa unyaka nonyaka begodu ikhutjhwa eGazedini yomBuso).
Itjhege elenziwe labhadela umNqophisi-Mazombe womNyango wezokuLima, amaHlathi neenHlambi lingananyathiselwa eforomini lesibawo begodu liposwe.
Thumela iforomo elizalisiweko kanye nobufakazi ku:
The Director: Animal Health
Import Export Policy Unit
Private Bag X138
Pretoria
0001
South Africa.
Akunasibawo esizakusetjenzwa ngaphandle kobufakazi bembhadelo. Ubufakazi bokudibhozida kufuze bufekselwe ku: 012 329 8292 buqaliswe ku: Ina Labuschagne.
Sibawa utjho eforomini lesibawo ukobana ingabe imvumo uzakuza uzoyithatha namkha ufuna sikuposele yona.
Ukulandela ukufunyanwa kweforomo elizalisiweko kanye nobufakazi bokubhadela, ithempleyiti yemVumo yokuLetha ngeNarheni isiLwana kanye neyesiTifikethi sokuPhila kuhle kwesiLwana zizakukhutjhwa begodu zithunyelwe bunqopha kuwe.
Kufuze ufumane isitifikethi sokuphila kuhle kweenlwana eemphathimandleni zenarha ethumelako ngaphambi kobana umkhiqizo uthunyelwe ngelwandle. Isitifikethi sokuphila kuhle kufanele sikhambisane nobujamo obutjhiwo emvumeni yeSewula Afrika yokulethwa ngenarheni kweenlwana namkha kube kukhulunyisenwe ngabo phakathi kweemphathimandla zeSewula Afrika kanye nenarha ethumelako.
Nayikuthi ufuna elinye ilwazi ngeemfuneko ezinembako zomkhiqizo othileko wesilwana, ungafumana amakhophi wesifaniso wemVumo yokuLethwa ngenarheni kwesiLwana kanye nesitifikethi sokuPhila kuhle kwesiLwana e-Ofisini elikhupha iimVumo.
Kufuze ulethe esiPhathisweni seSewula Afrika esiLawula ukuNgena ngeNarheni eSangweni lokuNgena:
- imVumo yamaMbala yokuLetha isiLwana ngenarheni.
- isiTifikethi samaMbala sokuPhila kuhle kwesiLwana.
Yoke imithwalo yenyama kufuze ihlolelwe kwenye yeendawo ezitjhiwo emvumeni yokuletha ngenarheni:
- Durban: Umtato: 031- 337 4346/7
- Cape Town: Umtato: 021- 551 2050
- City Deep (kuphela obuya eenarheni ezibomakhelwana): Umtato:011- 613 1636
- Port Elizabeth (ifuna ukuhlela kwangaphambilini): Umtato: 041- 585 8907.

Isikhathi esibekiweko

Nasele udorhodera wombuso e-ofisini lesitjhaba avume ukulethwa ngenarheni, kuthatha amalanga wokusebenza amathathu ukuya kwamahlanu ukusebenzana nesibawo nokukhupha imvumo.