Isibawo semvumo yokuletha ngenarheni iimfesi ngomnqopho wokwenza imali

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Okuphathelene nokungenisa ihlambi ngomnqopho wokuyithengisa

Ukungenisa ihlambi , efana nomhlobo lo wemarine, ukobana uthole inzuzo kufanele ufake isibawo sokuthola imvumo kumNyango wezeLimo, amaHlathi kanye neenHlambi.

Kufanele kulandelwe imibandela elandelako yokungenisa into enarheni:

  • I-Abalone  kanye neminye imihlobo ehlala ematjeni eneqephe eliqinileko angeze yangeniswa.
  • Ungangenisa kwaphela  ikala epheleleko erhahlileko (nanyana iintokana) enobudisi bamagremu ama-600 g nanyana eqako  ngayinye begodu angeze wangenisa amathani ama-25 qobe mnyaka.
  • Angeze wangenisa iinkala eziphilako.

Tjheja: Imvumo yokungenisa into ayifaki iinhlambi ezihlala emanzini atsengileko.

Nange ubhalelwa kukhambisana nemibandela ebekiweko lokho  kungenza bona imvumo ijanyiswe nanyana ipheliswe.

Okufanele ukwenze

  1. Thola iforomo lesibawo  mayelana nemvumo yokungenisa  kuGatja labaPhathi  beenHlambi i-Fisheries Management Branch yomNyango wezeLimo, amaHlathi kanye neenHlambi ku-ground floor, Foretrust Building, Martin Hammerschlag Way, Foreshore, Cape Town .
  2. Fundisisa iforomo lesibawo kuhle bese wenza isiqiniseko sokobana  wanelisa zoke iindingo kanye nemibandela efunekako.
  3. Zalisa amaforomo wesibawo ngokunikela ilwazi elilandelako:
    • Iimphande zendawo yokuhlala zabathumeli bepahla enarheni lapha ipahla ibuya khona
    • Amabizo avamileko kanye nalawo wobusayensi waleyo mihlobo
    • Ubunengi bemihlobo leyo ofuna ukuyingenisa.
  4. Faka amaforomo weembawo alandelako:
    • ikhophi eqinisiweko yomtlolwakho kamazisi begodu/nanyana  imitlolo yokurejistara ikhamphanakho, nebhizinisi enabanikazi  evalekileko nanyana ithrasti
    • amakhophi aqinisiweko weemvumo ezisemthethweni abuya kumnyango weRhwebo kanye namaBubulo nanyana imvumo yokurhweba eenarheni mazombe
    • isitifikeyidi somthelo samambala esibizwa bona yitax clearance certificate esibuya kurevenyu yeSewula Afrika.
  5. Bhadala imali eqintiweko kile-akhawundi elandelako:
    Ibhanga: First National Bank
    Inomboro ye-akhawundi: 62123256382
    Umhlobo we-akhawundi: Current
    Ibizo le-akhawundi: Marine Living Resources Fund
    Ibizo leGatja: Corporate Account Service Cape Town
    Ikhowudu yeGatja: 204109
    Mayelana nereferensi bethela kusentha esiza amakhastama kilenomboro 021 402 3911.
  6. Thumela iforomo lesibawo kumNyango wezeLimo. amaHlathi kanye neenHlambi, i- Department of Agriculture, Forestry and Fisheries, Private Bag X2, Roggebaai, Cape Town, 8012nanyana sithumele kumPhathi weGatja leenHlambi i- Fisheries Management Branch, ground floor, Foretrust Building, Martin Hammerschlag Way, Foreshore, Cape Town  Kufanele upose nanyana ulethe ngesandla isibawo samambala; nange ubhalelwa kukwenza lokho angeze wanikelwa imvumo.

Isikhathi esibekiweko

Kungathatha amalanga alikhomba wokusebenza nanyana eqako, kulawulwe kukwenza kuhle isibawo.

Amaforomo ekufanele uwazalise

Thola iforomo lesibawo kumPhathi weGatja leenHlambi kumNyango wezeLimo. amaHlathi kanye neenHlambi  ku ground floor, Foretrust Building, Martin Hammerschlag Way, Foreshore, Cape Town (Customer Service Centre).

Ungathintana nobani

 

Call Centre
Tel: +27 12 399 9000
Fax: +27 12 359 3625

Share this page