Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokwenza isibawo sephemithi yokuthumela ngaphandle
Ukuthumela ngaphandle kweSewula Afrika ezinye zeempahla kumele ube nephemithi eqinisekisa bonyana ulandela amagadango afaneleko wokuthunyelwa kwepahla ngaphandle.
Ukuthunyelwa ngaphandle kwezinye zeempahla kungalelwa ukusekela iqhinga lokuphumelelisa ukuzuza namkha ukurhelebha abakhiqizi bangekhaya ukuthola imatheriyali engakasetjenzwa ngaphambi kobanyana ithunyelwe ngaphandle.
Iphemithi yokuthumela ngaphandle ifuneka ngesibanga sokuqinisekisa bonyana ipahla ethunyelwa mumuntu oyedwa namkha ihlangano kukhambisana nemibandela yesivumelwano seentjhabatjhaba. Amaphemithi wokuthumela ngaphandle arhelebha ukulawula ukuphuma kwepahla ngeqhinga lokuphumelelisa ngokwemvelo namkha ngokukhukhuthisa nokwebiwa kwepahla.
umgomo ophathelene nokuthunyelwa kwepahla uyehluka ngokuya ngokwekoro enye nenye. Nangabe ufuna ilwazi ngemigomo ephathelene nokuthunyelwa kwepahla ethileko, kumele unikele imininingwana yepahla ofuna ukuyithumela ema-Ofisini wokuLawula ukuThunyelwa nokuNgeniswa kwePahla kuKhomitjhana yokuLawula ukuThengiselana kweeNtjhabatjhaba i-ITAC.
Akusiyo yoke ipahla namkha imikhiqizo okumele ilandele amagadango wokulawulwa kokuthunyelwa kwayo. Irhelo lepahla ekumele ilandele amagadango wokuthumela liyatholakala kwa-ITAC begodu lingathunyelwa, lifekswe namkha lithunyelwe nge-imeyili nangabe ulibawile.
Okufanele ukwenze
- Ungathintana ne-ofisi lokulawula ukuthumela nokungenisa ipahla ku: 086 184 3384 namkha utlolele umPhathi omKhulu: ukuLawulwa ukuThumela nokuNgenisa ipahla kwa, Private Bag x192, Pretoria ubanikele imininingwana yakho ukuze bakwa-ITAC bakuthumele amaforomo.
- Downloada amaforomo inthanethi
- Ingakhambisa amaforomo lawo kumNqophisi: kubalawuli bokukhipha nokungeniswa kwepahla.
Isikhathi esibekiweko
Kungathatha amalanga amathathu wokusebenzana nokudlulisa isibawo sakho sokuthumela ngaphandle.
Amaforomo ekufanele uwazalise
- Form IE230: Application to register as an Exporter or Change of current information
- Form IE361: Export Permit General goods
- Form IE362: Export Permit for Motor Vehicles
- Form IE363: Export permit Waste and Scrap metal
Export Control | |
Tel: | 0861 843 384 / 012 394 3590/1 |
Physical address | The Import and Export Unit, International Trade Administration Commission, 77 Meintjies Street, Block D, Sunnyside, Pretoria, 0001 |
Postal address | Import and Export Control, Private Bag X192, Pretoria, 0001 |
Web address | http://www.itac.org.za |