Malungana Nokutloliswa KweZiko LezeFundo EPhakemeko LangeQadi

Okuphathelene
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Okuphathelene nokutlolisela ukuba sikhungo sefundo ephakamileko

Unesifiso sokufundisa iimfundo zezinga eliphakemeko eSewula Afrika? Kufanele uthome ngozikutlolisa njengeziko lefundo ephakemeko langeqadi emNyangweni wezeFundo ePhakemeko nokuBandula  (i-DHET) — i-Department of Higher Education and Training kobanyana uzokuthola igunya lokufundisa amahlelo namkha iimfundo zefundo ephakemeko.                                                                                                                                                           

Amaziko wefundo ephakemeko wangeqadi afundisa iimfundo ezifanako zezinga elilinganako leencwadi zefundo i-National Qualifications Framework (i-NQF) (i-Level 5-10) nezemayunivesithi womphakathi namkha zamaYunivesithi weThekhnoloji.                                                                                                                                                      

Umnqopho wokutlolisa kuqinisekisa bona: 

  • Amaziko wezefundo wangeqadi afundisa ifundo yezinga (yekhwalithi) efaneleko    
  • Umphakathi uvikelekile ekudlelezelweni ziinkhohlakali ezicaphaza abantu                    
  • Umfundi uthola iincwadi zefundo ephakemeko ezifaneleko ezikhambisana ne-Higher Education Qualifications Framework (i-HEQF) nezitloliswe ngaphasi kwe-NQF                            
  • Ihlelo lezefundo liyayiphumelelisa iminqopho yokutjhugulula iSewula Afrika ngokukhambisana nomthethokambiso kunye nomthetho karhulumende;                                                
  • Amaziko wangeqadi ayawuthobela umThetho wezeFundo womNyaka we-1997 (umThetho Nomboro 101 we-1997).                                                                                                                

Amahlelo wokufundisa wamaziko wezefundo wangeqadi kufanele atloliswe ku-DHET, asekelwe abe agunyazwa yi-Higher Education Quality Committee (HEQC) of the Council on Higher Education (CHE) , atloliswe ngaphasi kwe-NQF yi-South African Qualifications Authority (Saqa). Amahlelo wokufundisa la kufanele bona abe mahlelo avunyelwe namukeleka elizweni lokeli kunye nemazweni ngamazwe.                                                                                                                                                                             

 Ubuncani bakhona kufanele bona uthumele isibawo sokutloliswa kusiPhathiswa sezokuPhatha seFundo yamaZiko aPhakemeko kusasele iinyanga ezili-18  ngaphambi kobana iziko lakho lezefundo lithome ukufundisa.  IsiBawo sokuTjhugulula kufanele sithunyelwe ngelanga elibekwe siPhathiswa sezokuPhatha (umNqophisi Zombelele).                                                                                                                                                                           

Ekufanele Ukwenze                      

  1. Zalisa iforomo lesibawo elikhonjiweko, elilungiselwe futhi.                                         
  2. Thumela iforomo lesibawo kusiPhathiswa sezokuPhatha samaZiko wezeFundo ePhakemeko.                                                                                                                         
  3. Thumela imitlolo elandelako nasi neforomo lesibawo:                                                                                                                                                 
    • Iintatimende zeemali ezihloliweko namkha isibikezelo seemali esihloliweko                             
    • Umtlamo webhizinisi nokuragwa kwayo         
    • Isivumelwano sesibopho sesikwelede          
    • Amaphepha wokutloliswa kwekhamphani    
    • Imibiko yokuhlolwa kweencwadi ngokusetjenziswa nokuhlonitjhwa kwemithetho yezamaphilo neyezokuphepha emsebenzini                                           
    • Isitifikethi sokutloliswa kwebhizinisi            
    • Isibawo sokunikelwa amandla wokusebenzisa isitifikethi                                    
    • Isibopho samandla wokuphatha nokulawula iziko lezefundo ephakemeko    
    • Ubufakazi bekghono lokutjheja ukusebenza nokuhlunga                                        
    • Iimvumelwano hlangana kwamaziko/kweenjamiso, nayibe zikhona                                
    • Incwajana elayela abafundi ngamahlelo weemfundo, ikhalenda namkha incwajana ehlathululela abafundi ngamahlelo weemfundo                                   
    • Amaforomo wokutlolisela ukufunda, amakontraga wokufunda wabafundi kunye nemithetho nemibandela.                                                                                           
  4. Iimbawo zabafundi bamazwe wangaphandle kufanele ziphekelelwe ngilokhu okulandelako: 
    • Ubufakazi bokulingana kweencwadi zefundo                                                       
    • Ubufakazi obufakazela ukuthi iincwadi zefundo abaziphetheko mbala zivunyelwe beziyasebenza nokusebenza elizweni lekhabo lomfundi lapho abuya khona                                                                                                                           
    • Ubufakazi bokuthi iincwadi zakhe zefundo zisemthethweni, ziyasebenza elizweni lekhabo                                                                                                               
    • Isitifikethi segunya namandla esibuya ku-HEQC nesokutloliswa esigungwini esilawula iincwadi zefundo eSewula Afrika (i-SAQA)                                                  
    • Isifungo esitlikitlelweko esithembisa ukuthi iziko lezefundo angeze lambandlulula umfundi ofaka isibawo                                                                    
    • Imininingwana ekufanele itjhugululwe, nayibe kunamatjhuguluko ekufuze enziwe;                                                                                                                           
    • Isibopho sokutjheja ukusebenza nokuhlunga, kunye nesibopho esitlolwe ekhasini elinesitembu seziko lezefundo, sibe nelanga esitlolwe ngalo, besibe nomtlikitlo.                                                                                                     
  5. Bhadela Imbadela Ebekiweko ngokulandela isihlanganiso esithi:  Pay the prescribed fee.

Tjheja:  Thintana nesiPhathiswa sezokuPhatha ngamatjhuguluko ofisa ukuwenza nakusasetjenzwa ngesibawo.                                                                                                                                                

Kuthatha Isikhathi Esingangani                 

  • Ukutlolisa kokuthoma :  Iinyanga ezili-18 ngaphambi kobana iziko lezefundo livulelwe ukutlolisa abafundi                                                                                                                 
  • Amatjhuguluko:   Iinyanga ezili-12 ngaphambi kobana amatjhuguluko lawo athome ukusetjenziswa                                                                                 
  • Ukutjhugula iincwadi zefundo:  Ngokwelayelo lesiPhathiswa sezokuPhatha.                      

Kubiza Malini           

R500

Amaforomo Ekufanele Azaliswe          

Amaforomo la atholakala emNyangweni wezeFundo ePhakemeko nokuBandula:                            

  • Iforomo APX-01,  lokubawa ukutloliswa njengeZiko LeFundo EPhakemeko LangeQadi     
  • Iforomo APX-02  lokubawa sokuKhibelela namkha sokwenza amaTjhuguluko

Iforomo APX-03 lokubawa ukwenza amatjhuguluko weencwadi zefundo ngokwelayelo lesiPhathiswa sezokuPhatha

Ungathintana nobani

 

 

National Office

Tel: 012 312 5253/5320
Fax: 012 324 6343
City/town: Pretoria
Province: Gauteng
Physical address: Department of Education: Directorate: Private Higher Education Institutions, Sol Plaatje House, 123 Schoeman Street, Pretoria
Postal address: Private Bag X895, Pretoria, 0001

Share this page