Yenza isibawo sokuthola umntwana wesihlobo okwenye inarha

Okuphathelene
Ekufuze Ukwenze
Isikhathi esibekiweko 
Kubiza malini 
Amaforomo ekufanele uwazalise 
Ungathintana nobani

 

 

Ukutholwa Komntwana Wesihlobo Kelinye Ilizwe

 

Malungana Nokutholwa Komntwana Wesihlobo Kelinye Ilizwe

Kuyakghonakala, bekuyavumakala, ukuthola umntwana wesihlobo sakho esiseSewula Afrika umenze wakho bewuhlale naye kelinye ilizwe. Nakube useSewula Afrika ukube kanti umntwanakho yena uhlala kelinye ilizwe, ungambawa umntwana ukuthi azokuhlala nawe khona lapha ekhethu, nasele umtholile umntwana loyo kelinye ilizwe elingaphandle. 

Ukutholwa komntwana ongambelethiko kelinye ilizwe umenze wakho kukhambisana nokudlulisa amalungelo wababelethi nemisebenzi yabo esibopho ukusuka ebabelethini bemvelo abasemazweni ngamazwe eze kuwe.
Ukuthola umntwana osihlobo sakho umenze wakho ukube yena uhlala lapha eSewula Afrika, kufuze uye eemphathimandleni zombuso zelizwe lekhenu (elizweni apho uhlala khona). Nakube akunamuntu onamandla wokukusiza  elizweni lekhenu, ungathintana neZiko lezomPhakathi wamaZwe ngamaZwe (i-ISS) elizwenelo kobanyana likulekelele ukuthola umntwana ofuna ukumenza wakho lo.                                                                                                                                                              

I-ISS yihlangano yamazwe ngamazwe engasebenzeli inzuzo, eyeluse abantwana abacaphazeka lula ngokukhukhuthiselwa emazweni wangaphandle. I-ISS isebenza emazweni ali-140 ngethungelelwano lamagatja welizwe nelizwe, neensebenzi zomphakathi, namaziko wemibuso emalungu wayo i-ISS kunye nama-ofisi wababikiindaba.

Nakube umntwana uhlala kelinye ilizwe, kufuze ubonane neHlangano yeZiko lomBuso weSewula Afrika (i-Saca), yona ezakuthumela indabakho ehlanganweni esemthethweni evikela abantwana.

Nakube ngemva kokukuhlunga nokukuhlolisisa ihlangano evikela abantwana ithola ukuthi ungakulungela ukuthola umntwana umenze wakho, izakutlola umbiko opheleleko iwuthumele eHlanganweni yeZiko  lomBuso welizwe lakosozizwe. IHlangano yeZiko leli yona-ke izakwenza ilandelela ibe ihlanganise umbiko wokuhlolwa komntwana, bese iwuthumela eSewula Afrika.                                                                                                                                                              

Nakube womabili amazwe ayavumelana ngokuthi umntwana ungamthatha umenze wakho, kuzakufanele ukhambe mathupha uye elizwe lakosozizwe uyokuqedelela umsebenzi wokuthola umntwana umenze wakho.                                                                                                                                                 

Ukutholwa komntwana wesihlobo kungenziwa nanyana naliphi ilizwe ngaphandle kwesivumelwano sokusebenzisana (nanyana ilizwe lekhenu lasitlkitla nanyana akhange lisitlikitle isiVumelwano se-Hague). 
 

Ekufuze Ukwenze

Nakube umntwana usuka eSewula Afrika, ikambiso oyilandelako ngile:                                                                                                                                                                                                     

  • Nakube uhlala elizweni langaphandle kodwana ufuna ukuthola umntwana weSewula Afrika ohlobene nawe abe ngewakho, kufuze uthintane neHlangano yeZiko lomBuso yelizwe lapho uhlala khona.
  • IHlangano esemthethweni yokutholwa kwabantwana benziwe abantwana babantu ababatholako izakuhlunga ikuhlolisise ukuthi mbala ukulungele na ukuthi ungathola umntwana umenze wakho. Nakube ihlangano le ithola ukuthi mbala ukulungele ukuthola umntwana umenze wakho, izakutlola umbiko wangekhaya opheleleko iwuthumele ku-Saca, yona ezawudlulisela ehlanganweni yezokuvikelwa kwabantwana esemthethweni.                                                                                                                                                                         
  • Ihlangano yezokuvikelwa kwabantwana yeSewula Afrika izakwenza ilandelela, ifunisise, ihlole ukutholakala komntwana. Isisebenzi sehlalakuhle/somphakathi sizakuqinisekisa ukuthi woke umuntu ekufuze avumele ukutholwa komntwana uyayizwakalisa imvumo yakhe, ngeKhotho yabaNtwana.   
  • Iinqhema ezithintekako zizakunikelwa ama-60 wamalanga ezingahlehlisa ngazo ukuvumela kwazo ukutholwa komntwanaa, ngaphambi kobana umntwana kuthathwe ukuthi angatholwa.
  • Ihlangano yokutholwa kwabantwana esemthethweni izakutlola umbiko opheleleko iwuthumele elizweni langaphandle lapho kuhlala khona umuntu ofuna ukuthola umntwana ohlala eSewula Afrika amenze wakhe.
  • Nakube womabili amazwe ayavumelana ngokuthi umntwana ungamthatha umenze wakho, kuzakufanele uzizele mathupha lapha eSewula Afrika uzokuqedelela umsebenzi wokuthola umntwana umenze wakho.

Nakube uhlala eSewula Afrika begodu ufuna ukuthola umntwana ohlobene naye kodwana ohlala elizweni langaphandle, nasi ikambiso ekufuze uyilandele ukuthola umntwana loyo umenze wakho:                                                                    

  • Kufuze uthintane ne-Saca, yona ezakudlulisela isibawo sakho ehlanganweni yezokuvikelwa kwabantwana esemthethweni.
  • Ihlangano yezokuvikelwa kwabantwana izakuhlunga, ikuhlolisise ukuthi mbala ukulungele na ukuthola umntwana umenze wakho.  Nakube ihlangano le ithola ukuthi mbala ukulungele ukuthola umntwana umenze wakho  izakutlola umbiko wangekhaya opheleleko iwuthumele eZiko lomBuso welizwe langaphandle.
  • IZiko lomBuso welizwe langaphandle, ngehlangano yalo, lizakufunisisa ngokutholwa komntwana abe ngewomunye, libe lihlanganise umbiko opheleleko ngokutholwe kurhubhulula ngomntwana. Umbiko loyo-ke uzakudluliselwa ku-Saca.
  •  Nakube womabili amazwe ayavumelana ngokuthi umntwana ungamthatha umenze wakho, kuzakufanele ukhambe mathupha uye elizweni lakosozizwe uyokuqedelela umsebenzi wokuthola umntwana umenze wakho.

Isikhathi esibekiweko

Esingangani Kuyahlukahluka.

Kubiza malini

Kufuze ubhadale ehlanganweni yezokuvikelwa kwabantwana esemthethweni nakube uthola umntwana wakelinye ilizwe umenza wakho.

Amaforomo ekufanele uwazalise

Thintana neZiko lomBuso welizwe langekhenu/la uhlala khona

Ungathintana nobani

Thintana neZiko lomBuso welizwe langekhenu/la uhlala khona.

 

Share this page