Yenza isibawo sokuthola umntwana onemisuka yendawo

Okuphathelene nokutholwa komntwana onemisuka yendawo

Nangabe uliSewula Afrika elihlala ngaphetjheya, ufuna ukuthola umntwana ohlala eSewula Afrika, kumele uthintane nomkhandlu ophakathi wenarha leyo ohlala kiyo.

Nangabe akuna-competent authority enarheni yekhenu, ungathintana nabezemiSebenzi yezeHlalakuhle yeeNtjhabatjhaba (International Social Services) i-ISS.

ukuthola umntwana wenarheni engasi yekhenu kukubeka umntwana emuntwini ozakwazi ukumtlhogomela kwasafuthi angasuye umbelethi wakhe weengazi ahlale naye enarheni enye. Ihlelo leli lipha umntwana loyo umndeni wasafuthi lapho angazange athole umndeni enarheni ahlala kiyo.

Okufanele ukwenze

1. Thintana nomkhandlu ophakathi namkha i-ISS enarheni lapho uhlala khona.
2. Umkhandlu ophakathi namkha i-ISS enarheni yekhenu uzakusiza ngehlangano yokuthola ezakuhlola bonyana ufanelekile ukuthola umntwana loyo.
3. Nangabe umkhandlu ophakathi namkha i-ISS ikuthola bonyana ufanelekile bonyana uthole umntwana izakuthumele iripoti ehlangeneko kwa-SACA
4. I-SACA izakuthumela isibawo leso ehlanganweni yokuthola etlolisiweko ukuthola bonyana ukhona umntwana ongatholakala bonyana athathwe.
5. Isisebenzi sezehlalakuhle sizakuqinisekisa bonyana omunye nomunye umuntu ofanele aqinisekise ukutholakala komntwana loyo uzakwenza njalo ngokuya eKhotho yabantwana.
6. Abafuna ukuthola umntwana bazakunikelwa amalanga ama-60 lapho bangabuye batjhintjhe umkhumbulo ngokuthola umntwana.
7. Nasele ihlangano yokuthola abantwana ikhambise iripoti ngokunikela imvumo yokuthola. I-SACA izakukhipha i-athikili 17, ekhuthaza ukuthola abantwana ngaphandle kwenarha ohlala kiyo.
8. I-SACA izakuthumela iripoti ekhuluma ngomntwana kumkhandlu ophakathi ngenarheni yekhenu ukukuthomanisa nomntwana loyo.
9. Nangabe usazimisele ngokuthola umntwana loyo, umkhandlu ophakathi enarheni yangaphandle uzakukhipha i-athikili 17 ekunikela imvumo yokuthola umntwana bese iyithumela kwa-SACA.
10. Uzakumenywa ukuya eSewula Afrika ukuze kuqedelelwe ukutholakala komntwana loyo ekhotho yezabantwana.
11. Ikhotho yabantwana izakunikela umlayelo wokuthola kunye nemitlolo efaneleko izakuthunyelwa kwa-SACA ukuze baziqinisekise batlolise ukutholwa komntwana.
12. Nangabe ukuthola lokhu bekuhlelwe nenarha ye-Hague, i-SACA izakuqinisekisa bonyana isitifiketi semvumo siyakhitjhwa.
13. Ihlangano etlolisiweko yokuvikela abantwana izakuqinisekisa bonyana umnyango wezeKhaya uthola ikhophi yokuthola umntwana begodu kutjhugululwa namabizo kukhitjhwe nesitifiketi esitjha.
14. Ihlangano etlolisiweko yokuvikela abantwana izakuthumela isitifiketi esitjha samabeletho.
15. I-ejensi yokuthola abantwana yangaphandle izakunikela itlhogomelo langemva kokuthola isikhathi esimnyaaka emihlanu.

Isikhathi esibekiweko

Kuya ngokwezehlakalo.

Kubiza malini

Kumele ubhadale ehlanganweni yokuvikela abantwana etlolisileko ngokuya ngokuthola umntwana eentjhabatjhabeni. 

Amaforomo ekufanele uwazalise

Ungathintana nobani

Thintana nomkhandlu ophakathi namkha i-ISS enarheni lapho uhlala khona.

UmNyango oThuthukisa zeHlalakuhle erhelweni lama-ofisi ongawathinta