Thola umntwana enarheni enganasivumelwano sokutholwa kwabantwana nezinye iinarha

Nangabe uliphandle  elinekareko yokuthola umntwana weSewula Afrika, kodwana inarha yangekhenu ayikasayini i- Hague Convention, ungakwazi ukuthola umntwana ngomKhandlu  waMandla (Competent authority) namkha umkhandlu weenSetjenziswa zezeHlalakuhle zeentjhabatjhaba (International Social Services) i-ISS enarheni yalapho uhlala khona.

Okufanele ukwenze

1. Thintana nomKhandlu waMandla namkha i-ISS enarheni yalapho uhlala khona.
2. UmKhandlu waMandla namkha i- ISS izakulayela ehlanganweni yokuthola etlolisileko esenarheni yangekhenu ukuze bakuhlole ukubona bonyana ukulungele ukuthola umntwana.  
3. Nangabe ihlangano ikuthola bonyana ufanelekile ukuthola umntwana, izakwenza iripoti ezeleko iyithumele kuMkhandlu oPhakathi weSewula Afrika (South African Central Authority) i-SACA.
4. I-SACA izakuthumela iripoti ehlanganweni yokuvikela enesivumelwano sokusebenzisana nehlangano yangaphandle ukuze ikutholele umntwana ongamthatha.
5. Nangabe kunomntwana ongamthola, ihlangano yokuvikela abantwana izakwenza iripoti ngomntwana iyithumele kwa-SACA ukuze bakunikele imvumo yokuthola umntwana wakenye inarha (i-athikili 17).
6. Ihlangano yokuvikela abantwana yeSewula Afrika izakuthumela iripoti ehlanganweni yangaphandle ukumadanisa umntwana nababelethi abafaneleko.
7. Nangabe usese nekareko lokumthola, uMkhandlu oPhakathi ngenarheni yalapho uhlala khona uzakukhipha i-athikili 17, ekunikela imvumo yokuthola umntwana.
8. Isigaba 17 soMkhandlu oPhakathi wenarha yangekhenu izakuthunyelwa ehlanganweni yokuvikela abantwana etlolisileko eSewula Afrika. Ihlangano yokuvikela abantwana izakwazisa bonyana uye eSewula Afrika ukuze kuqedelelwe ukuthola kwakho umntwana ekhotho yabantwana.
9. Ikhotho izakuphetha ikambiso yokuthola umntwana bese ithumela imitlolo yayo kwa-SACA ukuze bayihlolisise bese batlolisa ukutholakala komntwana loyo.
10. I-SACA izakukhupha iSitifiketi seMvumo.

Ihlangano yokuthola yangaphandle izakunikela iinsetjenziswa zetlhogomelo langemva kokuthola umntwana isikhathi esingangeminyaka emihlanu.

Isikhathi esibekiweko

Kuya ngokwezehlakalo.

Kubiza malini

Kumele ubhadale ehlanganweni yokuvikela abantwana etlolisileko ngokuya ngokuthola umntwana eentjhabatjhabeni. 

Amaforomo ekufanele uwazalise

Thintana nomKhandlu waMandla namkha i-ISS enarheni yalapho uhlala khona.

Ungathintana nobani

Thintana nomKhandlu waMandla namkha i-ISS enarheni yalapho uhlala khona.

UmNyango oThuthukisa zeHlalakuhle erhelweni lama-ofisi ongawathinta