Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Isivumelwano esihlangana neenarha esiphathelene nekambiso yokutholwa kwabantwana
Nangabe uliphandle elifuna ukuthola umntwana weSewula Afrika, kumele uthome ngokuthola bonyana inarha yekhenu isisayinile i-Hague Convention Adoption. Isivumelwano leso ngiso esilawula ikambiso yokuthola abantwana yeenarha hlangana neenarha ezizibandakanyeka kilokho.
Ungasebenzisa indlela le yokuthola nangabe inarha, njengeSewula Afrika isayinile i i-Hague Convention Adoption.
Isivumelwano lesi siqalelela ukusizeka komntwana begodu ifuna ukuvikela ekuthunjweni, ekusetjenzisweni okungakalungi, ukuthengiswa kunye nokurhweba ngabantwana.
Umkhandlu ophakathi wenarha yalapha uhlala khona uzakulayela ehlanganweni yokuvikela abantwana efaneleko bonyana bakuhlole. Ihlangano leyo izakuthintana nehlangano etlolisileko yokuvikelwa kwabantwana esewula Afrika bona barhelebhe ngokuqala bonyana bangamthola umntwana ongamkhulisa.
Okufanele ukwenze
- Thintana nomkhandlu ophakathi enarheni ohlala kiyo
- Umkhandlu ophakathi uzakwazisa ngehlangano yokuthola engenarheni yangekhenu ukuze bakuhlole ukubona bonyana ufanelekile ukuthola umntwana.
- Nangabe ihlangano ikuthola bonyana ufanelekile ukuthola umntwana, izakwenza iripoti ezeleko iyithumele kuMkhandlu oPhakathi weSewula Afrika (South African Central Authority) i-SACA.
- I-SACA izakuthumela iripoti ehlanganweni yokuvikela enesivumelwano sokusebenzisana nehlangano yangaphandle ukuze ikutholele umntwana ongamthatha.
- Nangabe kunomntwana ongamthola, ihlangano yokuvikela abantwana izakwenza iripoti ngomntwana iyithumele kwa-SACA ukuze bakunikele imvumo yokuthola umntwana wakenye inarha (i-athikili 17)
- Ihlangano yokuvikela abantwana yeSewula Afrika izakuthumela iripoti ehlanganweni yangaphandle ukumadanisa umntwana nababelethi abazimisele ukukhulisa umntwana.
- Nangabe usese nekareko lokuthola, uMkhandlu oPhakathi ngenarheni yalapho uhlala khona izakukhipha i-athikili 17, ekunikela imvumo yokuthola umntwana.
- I-athikili 17 evela kuMkhandlu oPhakathi wenarha yangekhenu izakuthunyelwa ehlanganweni yokuvikela abantwana etlolisileko eSewula Afrika. Ihlangano yokuvikela abantwana izakwazisa bonyana uye eSewula Afrika ukuze kuqedelelwe ukuthola kwakho umntwana ekhotho yabantwana.
- Ikhotho izakuphetha ikambiso yokuthola umntwana bese ithumela imitlolo yayo kwa-SACA ukuze bawahlolisise bese batlolisa ukutholakala komntwana loyo.
- Ihlangano yokuthola yangaphandle izakunikela iinsetjenziswa zetlhogomelo langemva kokuthola umntwana isikhathi esingangeminyaka emihlanu.
Kubiza malini
Kumele ubhadale ehlanganweni yokuvikela abantwana etlolisileko ngokuya ngokuthola umntwana eentjhabatjhabeni.
Amaforomo ekufanele uwazalise
Ungathintana nobani
Thintana nomkhandlu ophakathi enarheni ohlala kiyo.
UmNyango oThuthukisa zeHlalakuhle erhelweni lama-ofisi ongawathinta