Isibawo sokuba mtlhogomeli

Okuphathelene

Nangabe ufuna ukutlhogomela umntwana ofuna itjhejo kanye nevikeleko, faka isibawo sokuba mtlhogomeli womntwana ku-ofisi yomNyango oThuthukisa zeHlalakule nanyana kuhlangano yokuvikela umntwana egunyaziweko.

Ukuba mtlhogomeli womntwana kuyinto yokubeka umntwana otlhoga itjhejo kanye nevikeleko endaweni okwesikhatjhana. Umntwana ubekwa ukobana atlhogonyelwe mumuntu ongasuye umbelethakhe nanyana mtjheji womntwana.

Ngubani onegunya lokuba mntwana otlhogonyelwako?

Umntwana kufanele:

Abe ngaphasi kweminyaka eli-18 ubudala begodu/nanyana
Ulahliwe nanyana uyintandani begodu akayo indlela ebonakalako yesekelo
Ukutjengisa ukuziphatha okungeze kwalawulwa mbelethi nanyana mtlhogomeli
Kube ngohlala esitradeni nanyana okhamba abawa ukuze adle
kube ngophila ngezinto ezikhiqizwako begodu ngaphandle kwesekelo ukobana athole ukwelatjhwa ngokomukghwa wokuphila ngalokho
kube mumuntu ohlunguphaziweko nanyana osengozini yokuhlunguphazwa
Kube mumuntu osengozini nangabe ubuyiselwa kumbelethi, umtlhogomeli nanyana umtjheji
Abe sebujameni sokungatlhogonyelwa ngokwengqondo, bokutlhoriswa, ukubethwa nanyana ukwehliswa isithunzi mbelethi, mtlhogomeli, mumuntu onesibopho sokuba mbelethi kanye namalungelo nanyana ilunga lomndeni lomntwana nanyana mumuntu umntwana ongaphasi kwelawulo lakhe.

Ngubani onegunya lokuba mbelethi omtlhogomeli?

Ukobana ube negunya lokuba mbelethi omtlhogomeli, kufanele:

Ube neminyaka eli-18 ubudala nanyana engaphezulu
Ube sebujameni obuhle begodu ulunge
Ukube uyafuna begodu uyakghona ukondla umntwana
Uyakghona ukunikela umntwana indawo yebhoduluko elifuthumeleko ukobana umntwana akhule kuhle

Ungaba mtlhogomeli womntwana ngesikhatheso esivezwe emlayweni wekhotho. Nasele isikhathi esibekwe yikhotho siphelile, isiphathiswa esilawulako angathi ngemva kokubuykeza isiphakamiso esibuya kusisebenzi sezehlalakule anagangeza isikhathi somlayo wkhotho.

Okufanele ukwenze

Faka isibawo sokuba mtlhogomeli womntwana ku-ofisi yomNyango wezeHlalakuhle eseduze nawe nanyana kuhlangano evikela abantwana egunyaziweko.
Uzakuthunyelwa kusisebenzi sezehlalakuhle esizakwenza iphenyo.
Isisebenzi sezehlalakuhle sizakuhlola ubujamo bomntwana.
Uzakuhlolwa godu begodu uskrinwe kuqalwe ukobana ufanele ukuba mbelethi otlhogomelako.
Thumela lokhu okulandelako:
- I-afidavidi etjhoko bona umntwana ulahliwe (nangabe ikhona)
- Iintifikeyidi zokuhlongakala zababelethi (nangabe zikhona)
- Isitifikeyidi somntwana samabeletho(nangabe sikhona) – nangabe umntwana akanaso isitifikeyidi samabeletho, isisebenzi sezehalakuhle sizakusiza ukobana uthole isitifikeyidi samabeletho.
- Incwadakho kamazisi i-ID.
Ababelethi bakho bamambala begodu umntwana kufanele abandakanywe ekambisweni
Lapha kutholakala khona bona umntwana ulahliwe nanyana uyintandani, isisebenzi sezehlalakuhle sizakusiza ukuthumela isikhangiso emaphephandabeni bese kulindwe ipendulo ebuya emphakathini inyanga eyodwa.
Isisebenzi sezehlalakuhle sizakubuthelela umbiko bese siwethula kuKhotho yabeNtwana kanye neemphakamiso.
Ngokudzimelela kumbiko wesisebenzi sezehlalakuhle, isiphathiswa esilawulako ekhotho singathola bona umntwana udinga itlhogomelo nevikeleko.
Isiphathiswa esilawulako sizakukhupha umlayo wekhotho sigunyaze ukubekwa komntwana kumbelethi omtlhogomeli. Umlayo wekhotho uzakutjengisa amabizo wombelethi omtlhogomeli, umntwana otlhogonyelwako kanye nesikhathi sokubekwa njengomtlhogomeli.

Yelela: Nasele umlayo wehotho ukhutjhiwe, ungafaka isibawo semali yesondlo yokutlhogomela umntwana ku-ofisakho ye-SASSA eseduze nawe. Ukobana umntwana akhutjhwe ekubhadaleni imali yesikolo, kufanele uzalise iforomo lokungabhadali elitholakala esikolweni, bese uthumela ikhophi yomlayo wekhotho.