Isicelo sobhaliso lwesiteshi sokuhlola izimoto

Ngosizo

Okufanele ukwenze

Isikhathi esinqunyiwe

Kubiza malini

Amafomu okumele agcwaliswe

Imininingwane yokuxhumana

Maqondana nokubhalisa isiteshi sokuhlola izimoto (VTS)

I-VTS yisikhungo esihlola ukufaneleka kwezimoto ukuthi zisetshenziswe emigwaqeni yomphakathi yaseNingizimu Afrika. Uma imoto ikuphasa ukuhlolwa, kuzokhishwa isitifiketi sokufaneleka ukuba semgwaqeni.

Ukubhalisa isiteshi sokuhlola izimoto (VTS), kufanele ubhale i-afidavithi noma isitatimende esisho izizathu zokubhalisa bese ihanjiswa ku-MEC.

I-afidavithi noma isitatimende esishiwo kufanele ibe nalokhu:

• Imininingwane yawo wonke umuntu, noma amalungu noma abaqondisi yawo wonke umuntu ogunyazwa ngumthetho okuzobhaliswa ngegama lakhe lesi siteshi uma kwenzeka ukuthi lesi sicelo sivunywa;
• Indawo ngqo okuzoba kuyo isiteshi sokuhlola esihlongozwayo;
• Izinga lesiteshi sokuhlola esizokwenziwa (Isiteshi sokuhlola seZinga A sigunyazwe ukuxilonga nokuhlola imoto yanoma yiliphi izinga lokufaneleka ukuba semgwaqeni, kanye nesiteshi sokuhlola seZinga B sigunyazwe ukuthi sixilonge futhi sihlole imoto yanoma yiliphi izinga kungafakwa ibhasi, ibhasi elincane noma imoto engaphezu kuka-2500kg); kanye
• nazo zonke izindaba ezifanele ekutheni kucatshangwe ngokufaneleka kwaleso sicelo, okukhulunywe ngaso kusivumelwano okufanele siphethwe phakathi kuka-MEC nomnikazi wesiteshi sokuhlola njengoba kuhlongozwe kuSheduli 3 yoMthetho Wezimoto Emgwaqeni Kazwelonke.

Uma seyitholakele, u-MEC uzocabanga ngesicelo sakho.

Uma isicelo sakho sivunyiwe, kufanele kuhlangatshezwane nokulandelayo:

• I-VTS yakho kufanele ihambisane nezidingo eziphansi zeziteshi zokuhlola njengoba kushiwo kuSheduli 4 yoMthetho Wezimoto Emgwaqeni Kazwelonke Nombolo 93 ka-1996.
• Ukukwazi ukuhlola nokuxilonga imoto “Ngokokuhlolwa nokuxilongwa kwezimoto” njengoba kukhonjiswe ku-SANS 10047

Ukuxilongwa nokuhlolwa kwemoto esiteshini sokuhlola njengoba kudingeka kukhodi yokusebenza i-SABS 047 “Ukuhlolwa kwezimoto kokufaneleka ukuba semgwaqeni

Okufanele ukwenze

1. Yana  emisebenzini yokuphathwa kwesifundazwe
2. Gcwalisa ifomu lokufaka isicelo i-TS1.
3. Letha okulandelayo:
   • umbhalo wokufunga
   • imininingwane yamalungu noma abaqondisi
   • indawo ngqo okuzoba kuyo isiteshi
   • izinga lesiteshi
   • incwadi yakho kamazisi (ID).
4. Khokha imali ebekwe ngokusemthethweni.

Yazi: Kungadingeka ukuthi ulethe imibhalo njengoba idingwa ngu-MEC.

Isikhathi esinqunyiwe

Kungenzeka kuthathe izinyanga eziyisithupha ukusebenza isicelo sakho

Kubiza malini

Xhumana nehhovisi lamalayisense lasekhaya lezindleko.

Amafomu okumele agcwaliswe

Isicelo kanye nesaziso maqondana nokubhaliswa kwesiteshi sokuhlola, i-TS1 (Application and notice in respect of registration as testing station, TS1).

Imininingwane yokuxhumana