Ngosizo
Okufanele ukwenze
Isikhathi esinqunyiwe
Kubiza malini
Amafomu okumele agcwaliswe
Imininingwane yokuxhumana
Ngokufaka isicelo sencwadi yegunya maqondana nemoto
Uma uhlose ukuletha ezweni imoto entsha noma esetshenzisiwe, imoto yezimpahla noma ithreyila, imoto eyakhiwe (eyakhiwe) noma elungisiwe, kufanele uthole kuqala incwadi ekugunyazayo.
Kufanele ube nencwadi yegunya kungakhathalekile ukuthi yakhiwe eNingizimu Afrika noma ezweni langaphandle. Izinhlobo zezimoto ozidingela incwadi yokugunyaza yilezi:
- izimoto, amabhasi kanye nezithuthuthu
- izimoto zezimpahla (amathragi namaveni)
- amathreyila
- izimoto ezikhethekile njengamakhreyini angomahambanendlwana, ogandaganda, imishini yokuvuna.
Zonke izimoto, kungaba zakhiwe eNingizimu Afrika noma zivela kwamanye amazwe, kufanele zihambisane nezidingo ezibekwe ku-National Road Traffic Act, 1996. Abaletha ezivela kwamanye amazwe kufanele futhi balethe ubufakazi bokuhambisana ne- South African Bureau of Standards (SABS).
Umuntu kuphela ogama lakhe imoto ezorejistwa ngalo ongagcwalisa ifomu lokufaka isicelo.
Okufanele ukwenze
Thola ifomu lokufaka isicelo i-LoA1 elivele ku-National Regulator for Compulsory Specifications (NRCS) noma ulikhiphe ku-inthanethi.
Gcwalisa amafomu futhi ufake imibhalo elandelayo:
- incwadi kamazisi (ID) yomfakisicelo, noma i-ID yebambela uma kwenzeka ukuthi umfakisicelo inkampani
- i-afidavithi yemoto eyakhiwe evela oPhikweni Lwamaphoyisa AseNingizimu Afrika. Lokhu kufanele kubandakanye izinamba zenjini neze-chassis, imininingwane egcwele yomsebenzi owenziwe kanye nomthombo wezingxenye ezinkulu (ikakhulukazi okubalulekile kwezokuphepha)
- isitifketi sokuveza ubumsulwa wuPhiko Lwamaphoyisa AseNingizimu Afrika
- isitifiketi sokufaneleka ukuba semgwaqeni
- isitifiketi sokukalwa kwesisindo
- izithombe zemoto ezimbili.
Khokha imali edingekayo.
Isikhathi esinqunyiwe
Incwadi yakho yegunya kufanele ilunge ezinsukwini ezine ukuya kweziyisithupha.
Kubiza malini
Thintana nehhovisi langakini lezokunikezelwa kwamalayisensi ukuze uthole imininingwane ngamanani.
Amafomu okumele agcwaliswe
- Application for letter of authority – LoA1 - to import and register/licence on motor vehicle
- Application Form - LOA2 - to import new motor vehicles into South Africa on a continuous basis
- Application Form - LOA3 - to import motor vehicles into South Africa for a specific purpose
- Application Form - LOAX - letter of authority or exemption to import motor vehicles into South Africa for a specific purpose
- Application Form - ALA - to register/license one motor vehicle which has been newly constructed or modified as per Road Traffic Act
Sifiso Phakathi
Tel: 012 482 8865
E-mail: phakatsz@nrcs.org.za
Charlotte Makou
Tel: 012 482 8785
E-mail:makouck@nrcs.org.za
Call Centre
Tel: 012 482 8700