Izincazelo
Izinyathelo okumele zilandelwe
Umthetho osetshenziswayo
Amazinga afanele okwenziwa komsebenzi
Izindleko
Amafomu okumele agcwaliswe
Indawo nendlela yokuxhumana
Uhlelo lokwabela umhlaba wentuthuko yezolimo olubizwa i-Land Redistribution for Agricultural Development (LRAD), lwenzelwe ukusiza izakhamizi zemiphakathi eyacikelwe phansi ngesikhathi esedlule, zabantu bama-Afrika, amaKhaladi, amaNdiya ukuze bathenge umhlaba, noma izisetshenziswa zezolimo ngenhloso yezolimo.
Ukuze ufaneleke kulolu hlelo, kumele
- ube yilunga lemiphakathi eyayicikelwe phansi ngesikhathi esedlule (okusho ama-Afrika, amaKhaladi noma amaNdiya)
- ubeneminyaka angu-18 noma engaphezulu kwayo
- ube nenhloso yokusebenzisa umhlaba ngenhloso yezolimo kuphela
- ube nenhloso yokulima ngokuphelele
- ungabe sesikhundleni sikahulumeni
- uzimisele ukungenela uhlelo loqeqesho ngemuva kokuthola umhlaba
- ube kwisimo sokufaka esivivaneni nawe
- nibe nihleleke kahle, uma nenza isicelo njengeqembu
- nokuba ne-akhawunti yebhangi.
Abalimi abaphumelelayo, abafisa ukukhulisa imisebenzi yabo yolimo, bangenza izicelo zemixhaso (zosiso lwamagranti), kodwa inani eliphelele lwemali yosizo ngeke yaba ngaphezulu kwenani lika-R100 000. Ezinye izimali zokuqala noma zokukhulisa umsebenzi wolimo, kumele zicelwe kumabhenki.
Umxhaso (usizo lwegranti) yohlelo lwe-LRAD, alubuyiselwa (alukhokhelwa) njengemali-mboleko. Kusetshenziswa ifomyula (indlela ethize) ukubala ukuthi umuntu oyedwa uthola malini. Ukuze ufaneleke ukuthola umxhaso (imali yosizo lwegranti) ka-R20 000, kumele ube nemali ozoyifakela nawe engu-R5 000. Lokhu okufakelayo akudingekile ukuthi kuze kube yimali engukheshi, kungaba yimishini yokulima, imfuyo noma enye impahla (asset) yezolimo. Ngisho nabasebenzi imbala, bangafakelwa kuprojekthi njengokuthela kwakho esivivaneni somxhaso wohlelo lwezolimo.
Izinyathelo okumele zilandelwe
- Khomba umhlaba ofisa ukuwuthenga. Kokunye, ungaba usunawo umhlaba, ofana nomhlaba ohlanganyelwe womphakathi.
- Thintana noMnyango wezoLimo noma isikhulu somlimisi endaweni yangakini ukwenza isicelo somxhaso (sosizo lwegranti).
- Fakela okulandelayo kanye nesicelo:
-
- isiphakamiso sokuthi umhlaba uzosetshenziswa kanjani noma iplani yokulima (i-proposal yeprojekthi)
- ukukhetha ukuthenga nesivumelwano senani lentengo, uma niqasha ngenhloso yokuthenga
- uhla lwamalunga omuzi noma amalunge eqembu, uma nihlongoza ukuthola umhlaba njengeqembu
- isiqinisekiso sokuthi udaba lwetayitela lucacile, akukho abenze isicelo sokukhalazela ukubuyiselwa lowo mhlaba, umhlaba ubhaliswe ngegama lomthengisi, kanye nokuthi inani lentengo yomhlaba alikho ngaphezulu kwenani lentengo ezimakethe (market price)
- ubufakazi bokuthi insalela yemali edingekayo ikhona (okungaba yimali yenu, noma isivumelwano semali-mboleko)
- umbiko wokuhlola inani lentengo (evaluation report).
Amazinga afanele okwenziwa komsebenzi
Inqubo izothatha isikhathi esingangezinyanga ezine, kodwa uma iprojekethi yenu inesixaka-xaka, kungathatha isikhathi eside kunalesi.
Umxhaso wemali engu-R20 000, izodinga ukuthi nani nibe nenikuthela esivivaneni (ngemali noma ngezinye izindlela), okulinganele u-R5 000. Kodwa umxhaso ophezulu wenani lika-R100 000, uzodinga ukuthi enikuthela esivivaneni kwenu kube yinani lika-R400 000. Phakathi kobuncane (minimum) bamanani kanye namanani aphezulu (maximum), kukhona amanye amanani emixhaso aqhubekayo (continuum of grant amounts), ancike kulokho okufakelwa ngababamba iqhaza.
Nizonikezwa ifomu okumele niligcwalise, elivela ehhovisi lesifundazwe (leprovinsi) laboMnyango wezeMihlaba noma ehhovisi lomlimisi wendawo yangakini (local agricultural extension office).
