Malunga
Ofanele kukwenza
Ixesha elimiselweyo
Ingaba kubiza malini na
Amaxwebhu omele ukuwagcwalisa
Ungaqhagamshela nabani
Malunga nemvume yokungenisa impahla evela kumazwe angaphandle
Ukuba uceba ukungenisa impahla elawulwayo, esele isetyenzisiwe, eza kuba yeyomntu wesibini, izinto ezilahlwayo okanye ezindala kweli, kuqala kufuneka ubhalise njengomntu ongenisa impahla evela kwamanye amazwe neNkonzo yeRhafu yaseMzantsi Afrika uze ufake isicelo semvume yokungenisa impahla evela kumazwe angaphandle kwiKomishoni yoLawulo lwezoRhwebo lwaMazwe ngaMazwe yaseMzantsi Afrika (ITAC).
Imvume yokungenisa impahla evela kumazwe angaphandle iqinisekisa ukuba impahla leyo uceba ukuyingenisa, iyithobele imiqathango yokhuseleko, umgangatho, iimfuno zokusingqongileyo nezempilo zelizwe. Kufuneka zibe zikwayithobele imiqathango yezivumelwano zamazwe ngamazwe.
Ezi mvume zikwanceda ukulawula ukungena kwempahla ngobuchule okanye impahla ethutyeleziswayo.
Umgaqo-nkqubo obhekiselele ekungenisweni kwempahla wohlukile kwicandelo ngalinye lezoshishino. Uninzi lwempahla entsha lukhululwe kumanyathelo olawulo lokungeniswa kwempahla. Kanti ke, zonke impahla ezisebenzileyo, ezizakuba zezomntu wesibini, izinto ezilahlwayo kunye nezindala ziphantsi kwamanyathelo olawulo lwempahla engeniswayo.
Ofanele kukwenza
- Yiya kwi- SARS uze ubhalise njengomntu ongenisa impahla kweli.
- Yiya kwiKomishoni yoLawulo lwezoRhwebo lwaMazwe ngaMazwe (ITAC) okanye uzikopele uxwebhu olufunekayo.
- Zalisa amaxwebhu.
- Faka amaxwebhu kwiqela labongameli: uLawulo lokungeniswa nokuphuma kwempahla kwiKomishoni yoLawulo lwezoRhwebo lwaMazwe ngaMazwe (ITAC).
Qaphela:
- Ungaluthunyelelwa uxwebhu lwempahla ephantsi kwamanyathelo olawulo lokungeniswa kwempahla ukuba uthumele iinkcukacha zakho zoqhagamshelwano kwiKomoshoni yoLawulo lwezoRhwebo lwaMazwe ngaMazwe (ITAC).
- Ukuba ufuna ulwazi malunga nomgaqo-nkqubo wokungeniswa kwempahla ethile, chaza iinkcukacha zempahla leyo unqwenela ukuyingenisa kwiKomoshoni yoLawulo lwezoRhwebo lwaMazwe ngaMazwe (ITAC).
Ixesha elimiselweyo
Amaxesha amaninzi iimvume zokungenisa impahla evela kumazwe angaphandle zikhutshwa kwiintsuku ezintlanu zomsebenzi.
Ingaba kubiza malini na
iITAC ayijiki imali yokuhlawulela iinkonzo kodwa uzakuhlawula yempahla abaqokeleli be rhafu (SARS). Irhafu yempahla ibalwa ngomyinge wentengo yempahla leyo (ichaziwe kuluhlu lomthetho werhafu yemveliso yokuthengiswa ). Malunga nolwazi malunga nerhafu yempahla yabaqokeleli be rhafu, vndwendwela iwebhu sayithi yabaqokeleli berhafu iSARS .
Amaxwebhu omele ukuwagcwalisa
Kufuneka uzalise uze ufake uxwebhu oluhambelana nesicelo sakho kuphela.
- Application to register as an importer IE 230 (Isicelo sokubhalisa njengomntu ongenisa impahla evela kumazwe angaphandle IE 230)
- Application for personal import purposes IE 463 (Isicelo semvume ngeenjongo zokungenisa impahla eyeyakho IE 463)
- Annexure to IE 463 application for importation of personal goods (Isihlomelo kuxwebhu olunombolo IE 463 lwesicelo sokungenisa impahla eyeyakho)
- Application for commercial import purposes IE 461 (Isicelo ngeenjongo zokungenisa impahla yokurhweba IE 461)
- Application for importation of chemicals IE 464 and annexure to H 464 (Isicelo sokungenisa imichiza IE 464 kunye nesihlomelo kuxwebhu olunombolo IE 464)
- Application for second hand or used passenger vehicle IE462 and importation of used motor vehicle letter (Isicelo sokungenisa impahla ezakuba yeyomntu wesibini okanye isithuthi esele sisetyenzisiwe IE 462 kunye nencwadi yokungeniswa kwesithuthi esele sisetyenzisiwe).
Ungaqhagamshela nabani
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za