Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha u ḓisa zwithu u bva nnḓa zwine ha nga itwa ndingo ngazwo kana zwipiḓa zwine zwa nga thusa nga ha ṱhoḓuluso dza nga ha dzidzhini Afrika Tshipembe
Arali vha tshi khou ṱoḓou renga zwibveledzwa zwa zwifuwo u bva nnḓa zwine zwi nga vha zwi na malwadze a pfukelaho kana zwiṅwe zwa phirela uri vha zwi vhuise fhano Afrika Tshipembe, mulayo u ṱoḓa vha tshi ita khumbelo ya u wana phemithi ya u renga zwifuwo nnḓa kha Mulangi wa zwa Mutakalo wa Zwifuwo.
Vha tea u wana phemithi ya u renga zwifuwo nnḓa uri vha kone u ḓisa zwithu zwine ha nga itwa ndingo ngazwo kana zwipiḓa zwine zwa nga thusa u wana maṅwe mafhungo nga ha dzidzhini u bva nnḓa sa:
- malofha kana tshiluḓi tsha malofha u bva kha zwifuwo
- tshiṅwe na tshiṅwe tshine tsha nga shumiswa u wanulusa u bva kha zwifuwo, sa mushisho, mafhi, matoko, lukanda kana kupiḓa kwa muraḓo wa nga ngomu na zwiṅwevho
- bakitheria, vairasi kana tshiṅwe na tshiṅwe tshine tsha nga vha zhendedzi ḽa vhulwadze tshi nga shumisiwa kha ṱhoḓuluso kana zwiṅwevho.
Phemithi dzi shuma lwa tshifhinga tsho kaliwaho nahone u endedza muhwalo muthihi. Vha tea u wana hei phemithi musi muhwalo u sa athu takuwa shangoni ḽe ha rengwa khaḽo.
Hu nga vha na mulayo une wa vha hone wa zwiṅwe zwibveledzwa na uri vha tea u vha na vhuṱanzi ha uri vha swikela ṱhoḓea dzoṱhe dza mulayo.
Zwine vha tea u ita
- Kha vha ḓadze fomo ya khumbelo Khumbelo ya u ḓisa zwine zwa nga shumiswa kha u ita ndingo fhano Afrika Tshipembe. Hu kwamiwa Tshiimiswa tsha zwa Mutakalo wa Zwifuwo arali vha si na vhuṱanzi ha uri hu ḓadzwa fomo ifhio.
- kha vha dzhenise madzinginywa a ṱhoḓuluso, kana vhurifhi ha u ṱalutshedza uri ndi ngani vha tshi khou ḓisa izwi u bva nnḓa na uri tshibveledzwa itshi vha ḓo tshi endedzisa hani, u itela u khwaṱhisedza hezwi:
- Zwoṱhe zwine zwa nga ḓisa malwadze zwi rumelwe ḽaborothari.
- Ḽaborothari zwi tea u phasisiwa na uri tsireledzo yo teaho (zwi tshi khou bva kha tshutshedzo ine ya vha hone) i tea u vha hone.
- Zwoṱhe zwo ṱunḓwaho u bva nnḓa zwi tea u fhisiwa musi ndingo kana ṱhoḓuluso dzi tshi fhela.
- Zwi tea u ambiwa uri kana zwifuwo zwi khou tshilaho zwi ḓo vha zwi tshi khou vhewa khomboni naa nga hezwi zwithu zwo ṱunḓwaho kana hai naa.
- Arali zwifuwo o zwi khou tshilaho zwo vhewa khomboni, zwi tea u vhulaiwa na uri zwitumbu zwazwo zwi fhisiwe nga murahu ha ndingo kana ṱhoḓuluso.
- Zwoṱhe zwo shumiswaho zwine zwa nga vha zwo kavhiwa nga vhulwadze ha khwanḓa na mulomo, khathihi na maṅwe mazhendedzi a vhulwadze, zwi nga tou ya fhedzi Transboundary ya Malwadze a Zwifuwo ngei Onderstepoort.
- Dokotela wa zwifuwo wa muvhuso kha Tshiimiswa tsha zwa Mutakalo tsha Zwifuwo u ḓo vha kwama arali hu na vhuṅwe vhuṱanzi vhu khou ṱoḓeaho u itela u ita ṱholo ya tshutshedzo musi a tshi khou sedzulusa khumbelo yavho.
- Vha tea u badela phemithi.
- Kha vha dzhenise mbadelo ya phemithi kha akhaunthu ya bannga ya Muhasho.
- Dzina ḽa bannga: Standard ya Afrika Tshipembe:
- Mune wa akhaunthu: Muhasho wa zwa Vhulimi wa Lushaka
Nomboro ya akhaunthu: 011219556 International Band
Davhi: 010845
IB brand 0001982 Centre Code
Swift Code: SBZA-ZAJJ
Dzina ḽa davhi: Arcadia. - Mbadelo dzi nga kha ḓi itwa ofisini dza Muhasho wa zwa Vhulimi, zwa Maḓaka na Vhureakhovhe .
- Vha nga kha ḓi badelwa nga tsheke yo livhiswa kha Mulangi Muhulwane : Muhasho wa zwa Vhulimi, zwa Maḓaka na Vhureakhovhe.
- Dzitshadzhisi dza bannga ndi vhuḓifhinduleli havho naho arali dzi dza Bannga dza Nnḓa. Muhasho a u nga ṋetshedzi phemithi arali masheleni a 120 ZAR a songo badelwa a fhelela. (Zwi vusuludzwa ṅwaha muṅwe na muṅwe na uri zwi anḓadzwa kha Gazethe ya Muvhuso).
- Nḓivhadzo ya ndeme: Uri hu ḓivhee uri murengi ndi nnyi kha vha sumbedzise nga u ṅwala dzina na tshifani tshavho.
- Vha rumele fomo dzo ḓadzwaho na vhuṱanzi ha u khwaṱhisedza mbadelo kha:
Mulangi Muhulwane: Mutakalo wa zwa Zwifuwo
Yunithi ya u Renga na u Vhambadzela Nnḓa
Private Bag X138
Pretoria
0001
Afrika Tshipembe
kana u Fakisa kha 012 329 8292 / e-mail: VetPermits@daff.gov.za. - Vha humbelwa uri vha sumbedzise kha fomo ya khumbelo uri phemithi vha ḓo ya vha i dzhia naa kana i tou rumelwa khavho.
- Ho no ṱanganedzwa fomo dzo ḓadzwaho na khwaṱhisedzo ya mbadelo, Tshiimiswa tsha zwa Mutakalo wa Zwifuwo tshi ḓo vha ṋetshedza themphuḽeithi ya Phemithi ya zwa u Renga Zwifuwo u bva Nnḓa na Ṱhanziela ya zwa Mutakalo wa Zwifuwo.
- Dokotela wa zwifuwo zwo tendelwa nga vha Thendelo ya zwa Zwifuwo kha shango ḽeneḽo ḽine ha khou rengwa khaḽo u tea u ḓadza Ṱhanziela ya zwa Mutakalo wa Zwifuwo nga Luisimane phanda ha musi muhwalo u tshi takuwa.
- Ṱhanziela ya zwa Mutakalo wa Zwifuwo tshiṅwe tshifhinga a i ṱoḓei kha zwa u ḓisa zwine ha nga itwa ndingo ngazwo u bva nnḓa , fhedzi muofisiri wa zwa vhulafhazwifuwo wa shango ḽeneḽo ḽine ḽa khou rengiselwa u tea u vhona na u putela muhwalo hoyo khaḽo.
- Vha tea u tea u ṋetshedza phemithi ya vhukuma ya zwa u Renga Zwifuwo u bva Nnḓa (na Ṱhanziela ya vhukuma ya zwa Mutakalo wa Zwifuwo arali ya ṱoḓea) kha Muofisiri wa zwa Vhulanga Zwifuwo kha vhuimangalavha ha u dzhena Afrika Tshipembe.
- Arali vha tshi khou ṱoḓa vhuṅwe vhuṱanzi nga ha tshiṅwevho tshine ha nga itwa ndingo ngatsho kana tshibveledzwa tsha muvhilini, vha nga wana tsumbo ya khophi dza Phemithi ya zwa u Renga Zwifuwo na Ṱhanziela ya zwa Mutakalo ya zwa Zwifuwo u bva kha Ofisi ya phemithi. Hune vha vha vha tshi khou itela khumbelo muṅwe, vha humbelwa uri vha vhe na vhuṱanzi ha uri vha khou badela nga dzina ḽa onoyo muthu kana dzina ḽa khamphani. Uri hu ḓivhee uri murengi ndi nnyi kha vha sumbedzise nga u ṅwala dzina na tshifani tshavho.
Kha vha ṱhogomele: A huna khumbelo ine ya ḓo tshimbidzwa hu si na khwaṱhisedzo ya mbadelo. Khwaṱhisedzo ya tshelede yo dzheniswaho i tea u fekisiwa kha: 012 329 8292 zwo livhiswa kha: Ina Labuschagne.
Tshifhingambekanywa
Dokotela wa zwifuwo wa muvhuso u bva ofisini ya Lushaka a vhuya a tenda zwa u renga u bva nnḓa, zwi dzhia maḓuvha mararu u ya kha maṱanu a mushumo uri khumbelo yavho i tshimbidziwe na u ṋetshedza phemithi.
Fomo dzi no tea u ḓadzwa
Application to import pathology specimens into the Republic of South Africa