Arali maṅwalo avho a tshi bva Afurika Tshipembe, a tshi ḓo shumiswa kha ḽiṅwe shango a tea u thoma a "khwaṱhisedzwa" kana "u itwa uri avhe mulayoni". Aya ndi maitele ane nga khao ha vhewa mvalo dzo fhambanaho kha ḽiṅwalo uri ḽi kone u vhonala sa ḽire mulayoni kha maṅwe mashango.
Khethekanyo ya Vhusimamulayo kha Muhasho wa Vhushaka na Vhushumisani ha Dzitshaka i nga bveledza Ṱhanziela ya Apostille yo teaho kana Ṱhanziela ya Khwaṱhisedzo zwi tshi bva kha milayo i tevhelaho:
- Maṅwalo ane a shuma.
- Vha tea u tsivhudza Khethekanyo ya Vhusimamulayo ya shango ḽine ḽiṅwalo ḽa ḓo shuma khaḽo u itela u tendela khethekanyo i tshi vhona zwo tea kana hu tshi ḓo ṱoḓea Apostille kana Ṱhanziela ya Khwaṱhisedzo.
- Zwi tshi bva kha lushaka lwa ḽiṅwalo, vha tea u thoma vha ḽi ganḓisa /ḽa sainwa nga muhasho kana tshiimiswa tsho teaho; nga Madzhisiṱiraṱa, muṅwe Madzhisiṱiraṱa kana Muthusa Madzhisiṱiraṱa; kana muṅwalisi kana Muthusa Muṅwalisi wa Khothe Khulwane ya Afurika Tshipembe phanḓa ha musi Khethekanyo ya Vhusimamulayo i tshi bveledza Apostille kana Ṱhanziela ya Khwaṱhisedzo yo teaho.
Maṅwalo a tevhelaho ha ṱanganedzwi:
- Maṅwalo o fhungudzwaho kana o phirinthwaho nga khomphyutha.
- Khophi dzo ganḓiswaho dza Mbingano, mabebo, lufu kana ṱhanziela dza mabammbiri o phasiswaho nga mapholisa.
- Khophi dzo ganḓiswaho dza Tshiimo tsha Mbingano (ahuna tshithithisi) kana Khwaṱhisedzo ya Vhudzulapo.
- Khophi dzo ganḓiswaho dza maṅwalo a u enda kana maṅwalo a vhuṋe.
- Maṅwalo a mulayo o itwaho nga Khomishina dza Muano uri avhe khophi dza vhukumakuma, ha ṱanganedzwi na uri a tea u iswa kha Ramulayo wa Muvhuso (ramulayo o ḓiṅwalisaho kha Khothe Khulwane).
Kha vha vhale zwinzhi ngaha u ita uri maṅwalo a tshiofisi a vhe mulayoni, vha kwame Khethekanyo ya Vhusimamulayo kha nomboro idzi dza luṱingo 012 351 1726 kana vha imeiḽe kha legalisation@dirco.gov.za.
