Khumbelo ya u ṅwalisa sa mugudisi wa u reila

Nga ha u ita khumbelo ya u ṅwalisa sa mugudisi wa u relia

U vha mugudisi wa u reila a ḓivheaho nga mulayo wa Afurika Tshipembe, vha fanela u ḓiṅwalisa kha muhasho wa vhuendi wa vunḓu. Vhagudisi vha u reila vha tea u vha na ṱhanziela ine ya sumbedza gireidi kana kiḽasi ya tshiendisi tshe vha themendelwa u gudisa vhagudi.

Vhagudisi vho vhekanywa nga nḓila i tevhelaho:

• Gireidi A – mugudisi u na vhukoni ha u gudisa muthu ḽaisentse ya u reila ya khoudu iṅwe na iṅwe na uri mugudisi uyu u na ḽaisentse ya u reila ya khoudu EC kha u reila goloi dza manyuaḽa na ḽeisentse ya u reila ya khoudu A;
• Gireidi B - mugudisi u na vhukoni ha u gudisa muthu ḽaisentse ya u reila ya khoudu B, C1, C, EB, EC1 na EC, na uri mugudisi uyu u na ḽaisentse ya u reila ya khoudu EC kha u reila goloi dza manyuaḽa;
• Gireidi C - mugudisi u na vhukoni ha u gudisa muthu ḽaisentse ya u reila ya khoudu A1, A na B, na uri mugudisi uyu u na ḽaisentse ya u reila ya khoudu EB kha u reila goloi dza manyuaḽa na ḽaisentse ya u reila ya khoudu A;
• Gireidi D - mugudisi u na vhukoni ha u gudisa muthu ḽaisentse ya u reila ya khoudu B, na uri mugudisi uyu u na ḽaisentse ya u reila ya khoudu EB kha u reila goloi dza manyuaḽa ; kana
• Gireidi L - mugudisi u na vhukoni ha u gudisa muthu ḽaisentse ya mugudi ya khoudu iṅwe na iṅwe.

Vha ḓo reila fhedzi kiḽasi ya zwiendedzi zwine vha vha na ḽaisentse yazwo. Ṱhanziela ya vhugudisi i shuma lwa ṅwaha muthihi.

Zwine vha tea u ita

1. Vha ye kha senthara ya ndingo ya u reila na fomo yavho ya ṱhanziela ya Mutakalo (MC) vha vhaledze datumu.
2. Vha ḓadze fomo ya khumbelo ya u vha mugudisi wa vhareili (RI).
3. Vha ḓo ḓo rumelwa kha tshiṱitshi tsha mapholisa uri vha wane ṱhanziela ya thendelo.
4. Nga datumu ya ndingo ine vha ḓo fhiwa yone, vha ḓo ṅwala ndingo. Arali vha phasa ndingo, vha fanela u badela mbadelo yo randelwaho.
5. Senthara ya ndingo i ḓo rumela khumbelo yavho kha MEC uri i ṱanganedzwe kana u haniwa. Arali yo ṱanganedzwa, senthara ya ndingo i ḓo vha fha thendelo/phemithi.

Tshifhingambekanywa

Thendelo i ḓo vha yo luga kha vhege dza rathi u ya kha dza malo.

Zwi ita vhugai

Kha vha kwame ofisi yavho yapo ya ḽaisentsi u vhudzisa mutengo.

Fomo dzi no tea u ḓadzwa

• Fomo ya RI, Khumbelo ya u ḓinwalisa sa mugudisi wa u reila
• Fomo ya MC, fomo ya Ṱhanziela ya Mutakalo

Fomo dzi wanala kha DLTC (senthara dza u linga vhareili) / eNatis.

Vha kwama inyi