Khumbelo ya thuso ya ndambedzo

Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u adzwa
Vha kwama inyi

 

 

Ngaha mundende wa thuso

Vha khou tshila nga mundende wa matshilisano fhedzi  a vha koni u ḓi ṱhogomela? Vha nga wana masheleni maṅwe hafhu a u badela muthu ane a vha ṱhogomela tshifhinga tshoṱhe.

Vha zwi ḓivha hani arali vha tshi swikelela ṱhodea?

Vha tea:

  • u vha vha na mundende wa vhuholefhali, mundende wa vhalwi vha kale kana mundende wa vhaaluwa
  • u vha vha sa koni u ḓi uḓa nga nṱhani ha vhuholefhali ha muvhilini kana ha muhumbulo vhune vha vha naho, ngauralo vha tshi ṱoḓa ṱhogomelo ya tshifhinga tshoṱhe kha muṅwe muthu
  • vha sa wani ṱhogomelo i bvaho kha tshiimiswa tshine tsha wana gavhelo ḽi bvaho kha muvhuso ḽa ṱhogomelo yavho na vhudzulo.

Vha ḓo wana vhugai?

Masheleni ane vhaḓo a wana  ndi R500 nga ṅwedzi.

Vha ḓo badeliswa hani?

Dzhendedzi ḽa Mbulungeo ḽa Matshilisano ḽa Afurika Tshipembe (SASSA)  ḽi ḓo vha badela mundende nga kha maitela mathihi kha a tevhelaho:

  • u wana masheleni tshanḓani fhethu hune ha holelwa mundende nga ḓuvha lo thiwaho
  • masheleni a dibosithiwa bangani ya vho kana kha akhanthu ya vho ya u banga ya posoni (bannga I nga vha tshadzha malugana na tshumelo)
  • tshiimiswa tshine tsha shuma sa ndaulo ya mundende (e.g. tsumbo, madzangano a matshilisano).

Masheleni aya a ḓo badelwa khathi na masheleni a vho a mundende wa matshilisano.

Nḓivhadzo:  arali vha tshi khou balelwa u ḓi dzhiela masheleni nga vhone vhaṋe, vha nga ṋanga muimeli ofisini ya SASSA, kana vha ṋea muṅwe muthu mannḓa a mulayo uri a vhe ene ane a vha kuvhanganela mundende wavho.

Ndi lini hune mundende wavho wa nga sedzuluswa?

Mundende wavho u nga sedzuluswa musi mundende wavho wa matshilisano une wa ṱumaniswa nawo u tshisedzuluswa.

Zwine vha tea u ita

  • A vhaye ofisini ya Dzhendedzi ḽa Mbulungeo ya Matshilisano ḽa Afurika Tshipembe (SASSA)ya tsinisa na hune vha dzula hone vho fara zwitevhelaho:
    • bugundaula yavho ire na ṋomboro dza 13
    • ṱhanziela yavho ya  mbingano na bugundaula ya muthu wavho arali zwitshi kona dzea
    • muvhigo wa zwa mutakalo kana muvhigo wa ndingo (zwa vhukale ha fhasi ha miṅwedzi miraru) zwine zwa sumbedza uri vha ṱoḓa ṱhogomelo ya tshifhinga tshoṱhe.

Nḓivhadzo: Arali vha mualuwa  kana  vha si nga si kone u uya ofisini u ita khumbelo, muraḓo wa muṱa kana khonani a nga vha itela khumbelo. Muthu uyo u tea u vha a na luṅwalo lu bva ho kha vhone kana luṅwalo lubvaho ha dokotela lu sumbedzaho uri ndi ngani vha si nga sikone u dalela ofisi.

  • A vha ḓadze fomo ya khumbelo huna muofisiri wa SASSA (a vha ḓivhe zwauri ndi vhone fhedzi sa muvhuelwa kana muofisiri wa SASSA ane a nga ḓadza fomo ya khumbelo). Muofisiri u ḓo vha vhudzisa dzi mbudziso nahone u ḓo vha vhudza arali vha tshi tea u wana mundende.
  • Ha ḓo ṋewa rasithi. A vhai vhulunge sa vhuṱanzi ha uri vho ita khumbelo.

Hu itea mini arali khumbelo yavho i so ngo phasa?

Arali khumbelo yavho i songo phasa, SASSA i ḓo vha ḓivhadza nga kha luṅwalo uri ndi ngani khumbelo ya vho i so ngo tshimbila zwavhuḓi.

Arali vha sa tendeleni na  na tsheo, vha nga ṅwalela mbilahelo dzavho kha Minisiṱa wa Mveledziso ya Matshilisano.Vha tea u ṅwalela mbilahelo dzavho hu sa athu u fhela maḓuvha a 90 nga murahu ha musi vho no ṱanganedza mvelelo dza uri khumbelo yavho a i ngo tshimbila zwavhuḓi.

Tshifhingambekanywa

  • Zwi nga  dzhia miṅwedzi ino swika miraru u tshimbidza khumbelo yavho.
  • Arali mundende wa vho wo phasa, vha ḓo badelwa u bva ḓuvha ḽe khothe ya vhea ṅwana kha ndondolo yavho.

Zwi ita vhugai

Tshumelo iyi ndi mahala.

Fomo dzi no tea u adzwa

Fomo ya khumbelo a i wanali kha intahnethe, fhedzi vha nga i wana ofisini yavho ya tsinisa ya Dzhendedzi ḽa Mbulungeo na Matshilisano ḽa Afurika Tshipembe (SASSA).

Vha kwama inyi

Dzhendedzi ḽa Mbulungeo ya Matshilisano ḽa Afurika Tshipembe (SASSA)

 

 

SASSA Toll free: 0800 60 10 11
Email:  GrantEnquiries@sassa.gov.za  

Share this page