Khumbelo ya mundende wa vhalala

Ngaha mundende wa mualuwa

Vha nga wana mundende wa u ḓi ṱhogomela kha vhukale havho. Mundende wa vhaaluwa u badelwa vhafumakadzi vhane vha vha na na miṅwaha ya 60 kana u fhira na vhanna vhane vha vha na miṅwaha ya 60 kana u fhira. Mundende uyu wo vha u tshivhidzwa upfi phesheni ya vhalala.

Vha zwiḓivha hani arali vha tshi swikelela ṱhoḓea?

Vha tea:

u vha vhe mudzulapo wa Afurika Tshipembe kana mudzulapo wa tshoṱhe
u vha vha tshi dzula Afurika Tshipembe
u vha vha sa wani maṅwe masheleni a matshilisano a vhone vhaṋe
u vha vha sa ṱhogomelo i bvaho kha tshiimiswa tsha muvhuso
u vha vha sa holi masheleni a paḓaho R86 280 nga ṅwaha. Arali vha kha mbingano, masheleni a vho vhane vha a wana nga ṅwedzi o ṱangana na a muthu wavho a so ngo vha a tshi paḓa R 172 560 nga ṅwaha
vhana ndaka dza masheleni a paḓaho R1 227 600 arali vha si ho kha mbimgano nahone vhone na muthu wavho vha so ngo vha vha na ndaka i fhiraho masheleni a R2 455 200

Vha ḓo wana vhugai?

Tshelede ya nṱhesa ine vha ḓo wana nga ṅwedzi ndi R 2 180. Arali miṅwaha yavho i nṱha ha 75, vha ḓo wana R2 200.

Vha ḓo badeliswa hani?

Dzhendedzi ḽa Mbulungeo ḽa Matshilisano ḽa Afurika Tshipembe (SASSA) ḽi ḓo vha badela mundende nga kha maitela mathihi kha a tevhelaho:

u wana masheleni tshanḓani fhethu hune ha holelwa mundende nga ḓuvha lo thiwaho
masheleni a dibosithiwa bangani ya vho kana kha akhanthu ya vho ya u banga ya posoni. (bannga I nga vha tshadzha malugana na tshumelo)
zwiimiswa (tsumbo, hayani ha vhaaluwa).

Nḓivhadzo: arali vha tshi khou balelwa u ḓi dzhiela masheleni nga vhone vhaṋe, vha nga ṋanga muimeli ofisini ya SASSA, kana vha ṋea muṅwe muthu mannḓa a mulayo uri a vhe ene ane a vha kuvhanganela mundende wavho.

Ndi lini hune mundende wavho wa nga sedzuluswa?

SASSA i nga ṋanga uri mundende wavho u sedzuluswe. Masheleni ane vha a wana sa zwe zwa sumbedziswa musi vha tshi ita khumbelo ya mundende a ḓo ita mutheo wa tsheo iyi. Vha ḓo ḓivhadziwa ngamurahu ha miṅwedzi miraru musi u sedzulusa zwi sa athu u itwa kana ḓuvha ḽine ṱhanziela ya vhutshilo ya fhela nga ḽo. .Arali vha tshi wana masheleni a vho nga kha bannga, tshiimiswa kana muimeli, vha ḓo tea u ḓadza ṱhanziela ya vhutshilo ofisini dza SASSA ṅwaha muṅwe na muṅwe.

Ndi lini hune mundende wavho wa nga imiswa?

Zwiteṅwa zwitevhelaho zwinga vha na masiandaitwa kha u imiswa ha mundende wavho:

musi dzi nyimelo dzavho dzi tshi shanduka
mvelelo dza tsedzuluso
musi vha songo vha na tshumisano ya vhuḓi musi mundende wavho u tshi sedzuluswa
musi vho ita vhukwila kana vho ḓi sumbedzisa nga nḓila i si ya vhukuma
arali ho vha na vhukhakhi musi mundende wavho u tshi phasiswa.

Ndi lini hune mundende wavho wa khathiwa?

Mundende u ḓo khathiwa musi vho:

lovha
ṱanganedzwa kha tshiimiswa tsha muvhuso
musi vha so ngo ya mundendeni kana u dzhia masheleni a mundende lwa miṅwedzi miraru i tshi khou tou tevhekana
Musi vha nnḓa ha shango.

Arali muvhuyelwa o ṱanganedzwa kha tshiimiswa tshine tsha vha na thendelano na shango ya u ṱhogomela na londota muvhuyelwa uyo, mundende u ḓo fhungudziwa nga 25% ya masheleni a mundende u thoma kha ṅwedzi wa vhuṋa wa u ṱanganedzwa ha muvhuyelwa kha tshiimiswa. Mundende wo fhungudzwaho u ḓo dovha hafhu wa engedzwa ḓuvha ḽine muvhuyelwa a ḓo vhofholowa ngalo kha tshiimiswa.

Mundende wa vha aluwa

Zwine vha tea u ita

A vhaye ofisini ya Dzhendedzi ḽa Mbulungeo ya Matshilisano ḽa Afurika Tshipembe ya tsinisa na hune vha dzula hone vho fara zwitevhelaho:
- Bugu ndaula yavho ire na ṋomboro dza 13. Arali vha sini bugu ndaula:
  - Vha tea u ḓadza afidavithi i kha tshiimeo tsha SASSA huna Mukhomishini wa Muano ane a vha uri a si muofisiri wa SASSA
  - Vha tea u ḓa na tshiṱatamennde tshire mulayoni tsho sainiwaho nga muthu wa muṱhomphei (u fana na mukhantseḽara, khosi, mushumela vhapo, minisiṱa wa vhurereli kana ṱhoho ya tshikolo) ane a nga ṱalusa madzina a vho na vhukale ha vho
  - Muofisiri wa SASSA u ḓo vha dzhia magunwe, vha ḓo rumelwa kha Muhasho wa Muno u ṅwalisa bugundaula naho khumbelo yavho itshi khou tshimbidzwa. Arali vha sa wana bugundaulu, mundende wa vho u ḓo imiswa.
- ṱhanziela ya nyimelo ya mbingano yavho ( arali i hone)
- ṱhanziela ya vhudzulo
- phurufu ya masheleni ane vha wana nga ṅwedzi kana na maṅwe masheleni ane vha a a wana (arali a hone)
- ṱhanziela ya ndaka, ho katelawa na ndaka dza vho dzine dza wela kha masipala
- vhuṱanzi ha phesheni yavho ya phuraivethe
- tshiṱatamennde tshavho tsha banngani tsha miṅwedzi miraru
- Arali vha sa shumi, Tshikwama Tshandindakhombo tsha Vhashayaho Mushumo(UIF) “bugu dala” kana ṱhanziela yavho ya u vhofholowa mushumoni ibvaho kha mutholi wavho kha mushomo wo fhelaho
- Arali muthu wavho olovha miṅwaha miṱanu yo fhiraho,khophi ya ifa na mikovhe ya arali zwitshikona dzea.

Nḓivhadzo: Arali vha mualuwa kana vha si nga si kone u uya ofisini u ita khumbelo, muraḓo wa muṱa kana khonani a nga vha itela khumbelo. Muthu uyo u tea u vha a na luṅwalo lu bva ho kha vhone kana luṅwalo lubvaho ha dokotela lu sumbedzaho uri ndi ngani vha si nga sikone u dalela ofisi.

A vha ḓadze fomo ya khumbelo huna muofisiri wa SASSA (a vha ḓivhe zwauri ndi vhone fhedzi sa muiti wa khumbelo kana muofisiri wa SASSA ane a nga ḓadza fomo ya khumbelo). Muofisiri u ḓo vha vhudzisesa dzimbudziso nahone u ḓo vha vhudza arali vha tshitea u wana mundende.Vha ḓo ṋewa rasithi.
A vhai vhulunge sa ṱhanziela ya uri vho ita khumbelo.

Hu itea mini arali khumbelo yavho i so ngo phasa?

Arali khumbelo yavho i songo phasa, SASSA i ḓo vha ḓivhadza nga kha luṅwalo uri ndi ngani khumbelo ya vho i so ngo tshimbila zwavhuḓi.

Arali vha sa tendeleni na na tsheo, vha nga ṅwalela mbilahelo dzavho kha Minisiṱa wa Mveledziso ya Matshilisano kha Muhasho wa Mveledziso ya Matshilisano ya Lushaka. Vha tea u ṅwalela mbilahelo dzavho hu sa athu u fhela maḓuvha a 90 nga murahu ha musi vho no ṱanganedza mvelelo dza uri khumbelo yavho a ingo tshimbila zwavhuḓi.

Tshifhingambekanywa

Zwi nga dzhia miṅwedzi ino swika miraru u tshimbidza khumbelo yavho.
Arali mundende wa vho wo phasa, vha ḓo badelwa u bva ḓuvha ḽe khothe ya vhea ṅwana kha ndondolo yavho.

Zwi ita vhugai

Tshumelo iyi ndi mahala.

Fomo dzi no tea u ḓadzwa

Fomo ya khumbelo a i wanali kha intahnethe, fhedzi vha nga i wana ofisini yavho ya tsinisa ya Dzhendedzi ḽa Mbulungeo na Matshilisano ḽa Afurika Tshipembe (SASSA).