Khumbelo ya uri vha renge u bva nnḓa kana u endedza dzibveledzwa zwa ṋama Afrika Tshipembe

Ngaha khumbelo ya uri vha renge u bva nnḓa kana vha endedze zwibveledzwa zwa ṋama zwo no bveledzwaho u ḓa kana u fhira nga Afrika Tshipembe

Arali vha tshi khou ṱoḓa u renga u bva nnḓa kana u endedza zwibveledzwa zwo no bveledzwaho (sa u bikiwa, u vhiliswa, u omiswa) u zwi ḓisa kha Riphabuḽiki ya Afrika Tshipembe, kana u zwi fhirisa nga Afrika Tshipembe, vha tea u ita khumbelo uri vha fhiwe phemithi ya u renga zwibveledzwa zwa ṋama nnḓa kana vha fhiwe phemithi ya u endedza nga Mulangi wa zwa Mutakalo wa Zwifuwo. Vha tea u wana hei phemithi muhwalo wavho u sa athu takuwa shangoni ḽine vha khou renga khaḽo.

Mulangi wa zwa Mutakalo wa Zwifuwo wa Afrika Tshipembe u ḓo ṋetshedza phemithi dza u renga zwibveledzwa zwa ṋama zwo no bveledzwaho u bva nnḓa kana ya u zwi endedza kha mashango ane zwa tshumelo ya vhulafhazwifuwo na zwa nyimele ya zwa mutakalo wa zwifuwo zwo no ṱolwa na u tendelwa.
Hu na maitele o fhambanaho a u renga u bva nnḓa ane a vha hone u ya nga ha zwibveledzwa na nyimele ya mutakalo wa zwifuwo kha mashango u ya nga u fhambana. Sa izwi ṱhoḓea dza mutakalo dzi tshi dzulela u shanduka, kha vha kwame Tshiimiswa tsha zwa Mutakalo wa Zwifuwo.

U ita khumbelo ya phemithi dza u renga zwibveledzwa zwa ṋama hu u itela u rengisa, vha tea u vha vha tshi bva kha khamphani dza Afrika Tshipembe kana vha zhendedzi ḽi re Afrika Tshipembe vho tholwaho nga khamphani ya mashango a nnḓa.

Phemithi dza u renga zwibveledzwa zwa ṋama dzi shuma lwa tshifhinga tsho kalwaho nahone dzi tendela u endedzwa ha muhwalo muthihi. U renga u ya nga kha mashango a vhuraru a hu tendelwi.

Zwibveledzwa zwa ṋama zwi endedzwa nga dzikhontheiṋa dzi valaho dza fara dzi sa dzhenisi muya, na uri vha tea u wana thendelo u bva kha Birou ya Zwiṱandadi ya Afrika Tshipembe (SABS).

Zwine vha tea u ita

U ḓadza fomo ya khumbelo u itela u Renga Zwifuwo kana Zwibveledzwa zwa Zwifuwo u bva nnḓa zwi tshi ḓiswa Afrika Tshipembe.
Arali zwibveledzwa zwi tshi khou endedzwa u fhira nga Afrika Tshipembe, vha tea u ṋetshedza khophi ya phemithi ya u renga zwibveledzwa zwa ṋama u bva kha shango ḽine zwa khou iswa hone kathihi na khumbelo ya phemithi ya u endedza ya Afrika Tshipembe.
Kha vha dzhenise mbadelo ya phemithi kha akhaunthu ya bannga ya Muhasho:

Dzina ḽa bannga: Standard ya Afrika Tshipembe.

Muṋe wa akhaunthu: Muhasho wa zwa Vhulimi wa Lushaka
Nomboro ya akhaunthu: 011219556 International Band
Davhi: 010845
IB brand 0001982 Centre Code
Swift Code: SBZA-ZAJJ
Dzina ḽa davhi: Arcadia.
Hu nga kha ḓi badelwa nga tsheke yo livhiswa kha Mulangi Muhulwane : Muhasho wa zwa Vhulimi, zwa Maḓaka na Vhureakhovhe, ine i nga rumelwa na fomo dza khumbelo.
Vha rumele fomo dzo ḓadzwaho na vhuṱanzi ha u khwaṱhisedza mbadelo kha: Mulangi Muhulwane: Mutakalo wa zwa Zwifuwo
Yunithi ya u Renga na u Vhambadzela Nnḓa
Private Bag X138
Pretoria
0001
Afrika Tshipembe.
A huna khumbelo ine ya ḓo tshimbidzwa hu si na khwaṱhisedzo ya mbadelo. Khwaṱhisedzo ya tshelede yo dzheniswaho i tea u fekisiwa kha: 012 329 8292 zwo livhiswa kha: Ina Labuschagne.
Vha humbelwa uri vha sumbedzise kha fomo ya khumbelo uri phemithi vha ḓo ya vha i dzhia naa kana i tou rumelwa khavho.
Ho no ṱanganedzwa fomo dzo ḓadzwaho na khwaṱhisedzo ya mbadelo, Phemithi ya zwa u Renga Zwifuwo u bva Nnḓa na Ṱhanziela ya zwa Mutakalo wa Zwifuwo zwi ḓo ṋetshedzwa zwa rumelwa khavho thwii.
Vha tea u wana Ṱhanziela ya zwa Mutakalo wa Zwifuwo u bva kha vhalangi vha zwa zwifuwo kha shango ḽine ḽa khou vha rengisela phanḓa ha musi zwibveledzwa zwi tshi rumelwa. Hei ṱhanziela ya zwa mutakalo i tea u tendelana na maitele a re kha phemithi ya u renga u bva nnḓa sa zwe zwa vheiswa zwone Afrika Tshipembe kana hu tea u vha ho vha na nyambedzano vhukati ha vhalangi vha zwa zwifuwo vha Afrika Tshipembe na shango ḽine ḽa khou rengisa. Arali vha tshi khou ṱoḓa vhuṱanzi nga ha ṱhoḓea dza vhukuma vhu no tou tshimbilelana na tshiṅwe tshibveledzwa, vha nga wana tsumbo dza khophi dza Phemithi ya zwa u Renga Zwifuwo u bva Nnḓa na Ṱhanziela ya zwa Mutakalo wa Zwifuwo u bva kha ofisi ya Phemithi.
Vha tea u ṋetshedza hezwi zwi tevhelaho kha Muofisiri wa Afrika Tshipembe wa Zwa Ndango ya zwa u Renga Zwifuwo u Bva Nnḓa kha Vhuimangalavha ha u Dzhena:
- Phemithi ya vhukuma ya zwa u Renga Zwifuwo u bva Nnḓa.
- Ṱhanziela ya vhukuma ya zwa Mutakalo wa Zwifuwo.
Mihwalo yoṱhe ya ṋama i tea u ṱoliwa huthihi kha hafha fhethu ha u ṱola sa zwe zwa ambiswa zwone kha phemithi ya u renga nnḓa:
- Durban: Luṱ: 031- 337 4346/7
- Cape Town: Luṱ: 021- 551 2050
- City Deep (u bva fhedzi kha mashango a vhahura): Luṱ:011- 613 1636
- Port Elizabeth (hu itwa nzudzanyo u thoma): Luṱ: 041- 585 8907.

Dzitshadzhisi dza bannga ndi vhuḓifhinduleli havho naho arali dzi dza Bannga dza Nnḓa. Muhasho a u nga ṋetshedzi phemithi arali masheleni a 120 ZAR a songo badelwa a fhelela. (Zwi vusuludzwa ṅwaha muṅwe na muṅwe na uri zwi anḓadzwa kha Gazethe ya Muvhuso).

Tshifhingambekanywa

Dokotela wa zwifuwo wa muvhuso u bva ofisini ya Lushaka a vhuya a tenda zwa u renga u bva nnḓa, zwi dzhia maḓuvha mararu u ya kha maṱanu a mushumo uri khumbelo yavho i tshimbidziwe na u ṋetshedza phemithi.