Renga mishonga nnḓa ya u haela zwifuwo

Ngaha u ita khumbelo ya u renga mishonga nnḓa ya u haela zwifuwo

Vha nga renga u bva nnḓa, vha phaḓaladza kana u rengisa mishonga ya u haela uri i shumiswe kha zwifuwo Afrika Tshipembe fhedzi arali yo no ṅwaliswa u ya nga ha zwi tendelanaho na zwa Manyoro, Mabulasi, Pfulo dza Mabulasini, Dzilafho ḽa zwa Vhulimi na Vhulimi na zwa Mulayo wa Dzilafho ḽa Tshiṱoko (Mulayo 36 wa 1947). 

Arali vha tshi ṱoḓou renga mishonga ya u haela yo ṅwaliswaho u bva nnḓa uri vha i shumiswe kha zwifuwo, vha tea u wana phemithi ya zwa u renga u bva nnḓa kha Tshiimiswa tsha Mutakalo wa Zwifuwo .Hei phemithi ya zwa u renga u bva nnḓa i shuma lwa tshifhinga tsho kaliwaho nahone kha u endedzwa ha mishonga luthihi. Hu na maitele a tevhelelwaho ane a vha hone kha zwa u renga zwa zwifuwo u bva nnḓa. Sa izwi ṱhoḓea dza mutakalo dzi tshi anzela u shanduka, vha humbelwa u kwama Tshiimiswa tsha Mutakalo wa Zwifuwo kha (Tel 012 319 7507/7684/7700/7673/7456, Fakisi 012 329 6892, VetPermits@daff.gov.za) u itela u wana ṱhoḓea dzi khou shumaho zwa zwino.  

Arali vha tshi khou ṱoḓou renga mishonga ya u haela i songo ṅwaliswaho hu u itela u i lingedza Afrika Tshipembe , vha ṱoḓa phemithi mbili. Iṅwe phemithi i bva kha Mulayo wa Muṅwalisi wa 36 wa 1947 ngeno iṅwe i tshi bva kha  Tshiimiswa tsha zwa Mutakalo wa Zwifuwo.  Khumbelo ya phemithi ya i bvaho kha Mulayo wa Muṅwalisi wa 36 wa 1947 i tea u rumelwa na madzinginywa o fhelelaho a nḓila ine ndingo dza ḓo itwa ngayo. 

Tshiimiswa tsha Mutakalo wa Zwifuwo tshi ḓo ṋetshedza phemithi ya u renda u bva nnḓa fhedzi arali  vho wana khophi ya phemithi yo ṋetshedzwaho nga Mulayo wa Muṅwalisi wa 36 wa 1947. Mushonga wa u haela wo rengelwaho u ita ndingo a wo ngo tea u rengiswa. Arali ha vha na tshiimo tsha shishi tshine ha nga vha na vhulwadze ho waho ha vha hu si na mushonga wa u haela wo ṅwaliswaho, zwi nga ḓi vha zwo luga u shumisa u songo ṅwaliswaho.

Zwenezwo, vhone sa vhane vha nga vha ane a nga renga uyu mushonga u bva nnḓa, vha tea u ita khumbelo kha Khantsele ya Ndango ya Mishonga u ya nga Tshiteṅwa 21  u itela uri vha tendelwe u ya nga Mulayo u Tshimbilelanaho na zwa Ndango ya Zwidzidzivhadzi (Mulayo 101 wa 1965, wo khwinisiwaho nga Mulayo 90 wa 1997). Vha dovha vha ṱoḓa u bva kha Tshiimiswa tsha Mutakalo wa Zwifuwo, phemithi ya u renga  mishonga u bva nnḓa  uri i tendelwe u dzhena shangoni. Vha ṋetshedza hei phemithi ya u renga  mishonga u bva nnḓa fhedzi arali vho no wana thendelo u bva kha kha Khantsele ya Ndango ya Mishonga na u ṋetshedza khwaṱhisedzo ya thendelo khavho. Arali zwo rali, mushonga wa u haela u songo ṅwaliswaho u nga rengiswa lwa tshifhinga tsho kaliwaho u swika u ṅwaliswa ho no itwa.

Zwine vha tea u ita

1. Vha tea u thoma u wana thendelo kana u ḓiṅwalisa u bva kha Mulayo wa Munwalisi 36 wa 1947, kana u itela uri vha tendelwe u ya nga Tshiteṅwa 21 tsha Mulayo 101 wa 1965, wa u renga mishonga ya u haela phukha u bva  nnḓa.  
2. Musi vha tshi wana phemithi ya u renga mishonga u bva nnḓa kha  Mulayo wa Muṅwalisi wa 36 wa 1947, kana u tendelwa u ya nga Tshiteṅwa 21 tsha Mulayo 101 wa 1965,kha vha rumele khophi yayo na khumbelo u itela phemithi ya u renga zwa zwifuwo u bva nnḓa kha Tshiimiswa tsha Mutakalo wa Zwifuwo.
3. Arali mushonga wa u haela wo no ṅwaliswa uri u shumiswe Afrika Tshipembe u ya nga Mulayo 36 wa 1947, vha ṱoḓa phemithi nthihi fhedzi u bva kha Tshiimiswa tsha Mutakalo wa Zwifuwo. Kha vha rumele khophi ya u ḓiṅwalisa u ya nga Mulayo 36 wa 1947 na khumbelo yavho.         
4. Kha vha ḓadze fomo dza khumbelo Khumbelo ya phemithi ya u renga mishonga ya u haela u bva nnḓa i tshi ḓiswa Afrika Tshipembe . Kha vha kwame Tshiimiswa tsha Mutakalo wa Zwifuwo arali vha si na vhuṱanzi ha uri vha ḓadza fomo dzifhio. 
5. Dokotela wa zwifuwo wa muvhuso kha  Tshiimiswa tsha Mutakalo wa Zwifuwo u ḓo vha kwama arali hu tshi khou ṱoḓea vhuṅwe vhuṱanzi na uri u ḓo ita ṱholo u sedza zwine zwa nga vha khombo u itela uri a kone u dzhiela nṱha khumbelo yavho.   
6. Vha dzhenise tshelede ya mbadelo ya phemithi kha akhaunthu ya Muhasho
   Dzina ḽa Bannga :Bannga ya Standard ya Afrika Tshipembe
   Muṋe wa akhaunthu: National Department of Agriculture
   Nomboro ya akhaunthu: 011219556 International Band
   Davhi: 010845
   IB brand 0001982 Centre Code
   Swift Code: SBZA-ZAJJ
   Dzina ḽa davhi: Arcadia
   Nḓivhadzo ya ndeme: Uri hu ḓivhee uri murengi ndi nnyi kha sumbedzise nga u ṅwala dzina na tshifani tshavho.  Hune vha vha  vha tshi khou itela khumbelo muṅwe, vha humbelwa uri vha vhe na vhuṱanzi ha uri vha khou badela nga dzina ḽa onoyo muthu kana dzina ḽa khamphani.
7. Hu nga kha di  badelwa nga tsheke yo livhiswa kha Mulangi Muhulwane :  Muhasho wa zwa Vhulimi, zwa Maḓaka na Vhureakhovhe .  
8. Hu nga kha ḓi badelwa nga tsheke yo livhiswa kha Mulangi Muhulwane :  Muhasho wa zwa Vhulimi, zwa Maḓaka na Vhureakhovhe,  ine i nga rumelwa na fomo dza khumbelo.
9. Dzitshadzhisi dza bannga ndi vhuḓifhinduleli havho naho arali dzi dza Bannga  dza Nnḓa. Muhasho a u nga ṋetshedzi phemithi arali masheleni  a songo badelwa a fhelela. (Zwi vusuludzwa ṅwaha muṅwe na muṅwe na uri zwi anḓadzwa kha Gazethe ya Muvhuso.
10. Vha rumele fomo dzo ḓadzwaho na vhuṱanzi ha u khwaṱhisedza mbadelo kha:
    Mulangi Muhulwane: Mutakalo wa zwa Zwifuwo
    Yunithi ya u Renga na u Vhambadzela Nnḓa
    Private Bag X138
    Pretoria
    0001
    Afrika Tshipembe
    kana u Fekisa kha 012 329 8292 / VetPermits@daff.gov.za
    Vha humbelwa uri vha sumbedzise kha fomo ya khumbelo uri phemithi vha ḓo ya vha i dzhia naa kana i tou rumelwa khavho.
11. Ho no ṱanganedzwa fomo dzo ḓadzwaho na khwaṱhisedzo ya mbadelo, Phemithi ya zwa u Renga Zwifuwo u bva Nnḓa  na Ṱhanziela ya zwa Mutakalo wa Zwifuwo zwi ḓo ṋetshedzwa zwa rumelwa khavho thwii.

Kha vha ṱhogomele: A huna khumbelo ine ya ḓo tshimbidzwa hu si na khwaṱhisedzo ya mbadelo. Khwaṱhisedzo ya tshelede yo dzheniswaho i tea u fekisiwa kha: 012 329 8292 zwo livhiswa kha: Ina Labuschagne./ VetPermits@daff.gov.za.

Tshifhingambekanywa

Dokotela wa zwifuwo wa muvhuso u bva ofisini ya Lushaka a vhuya a tenda zwa u renga u bva nnḓa, zwi dzhia maḓuvha mararu u ya kha maṱanu a mushumo uri khumbelo yavho i tshimbidziwe na u ṋetshedza phemithi. 

Application for a permit to import vaccines into the Republic of South Africa

Vha kwama inyi