Khumbelo ya u ṱanganedzwa kha tshiimiswa tsha zwa mutakalo wa muhumbulo hu na thendelo

Ngaha | Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Ngaha zwa khumbelo ya u ṱanganedzwa kha tshiimiswa tsha zwa mutakalo wa  muhumbulo hu na thendelo

Arali vha na vhulwadze ha muhumbulo, vha nga ṱanganedzwa kha tshiimiswa tsha zwa mutakalo wa muhumbulo tsha muvhuso. Arali vha tshi tenda uri vha na vhulwadze ha muhumbulo vha tea u ita khumbelo ya u ṱanganedzwa kha tshiimiswa tsha zwa mutakalo wa muhumbulo.

Nyimele dza vhulwadze ha muhumbulo  ndi nyimele dza zwa mutakalo dzine dza khakhisa kuhumbulele kwavho na u kundelwa u davhidzana na vhaṅwe nga nḓila kwayo. Nyimele dza vhulwadze ha muhumbulo  dzi shushaho dzi katela mutsiko muhulu wa muhumbulo, sikizofurenia, vhulwadze vhune muthu ha lengi u sinyuwa kana u takalesa, U sa Dzudzanyea ho Kalulaho ha Muhumbulo (OCD), U vha na Mazhuluzhulu, U Thithisea ha Muhumbulo nga murahu ha Tshiwo (PTSD) na u sa dzudzanyea hu re vhukati. Mafhungo a vhuḓi nga ha malwadze a muhumbulo ndi uri zwi a konadzea uri muthu a tou fhola tshoṱhe arali a tshi khou wana ṱhogomelo ya zwa dzilafho yo teaho.

Zwine vha tea u ita

• Kha vha vhonane na dokotela kana dokotela a shumaho na zwa vhulwadze ha muhumbulo.
• Dokotela u ḓo:
  • vha ṱhaṱhuvha na u vha lavhelesa
  • vha fha vhurifhi ha u fhiriselwa phanḓa.
• Kha vha ite khumbelo ya u ṱanganedzwa kha tshiimiswa tsha zwa mutakalo wa muhumbulo.
• Kha vha ṋetshedze:
  • vhurifhi ha u fhiriselwa phanḓa
  • thendelo yavho yo tou ṅwalwaho
  • khophi ya ḽiṅwalo ḽa Vhuṋe (ID).

Kha vha ṱhogomele: Arali nyimele yavho ya  vhulwadze ha muhumbulo i tshutshedzo kha lushaka, khothe i nga vha kombetshedza uri vha valelwe kha tshiimiswa tsha zwa mutakalo wa muhumbulo vho tenda kana vha songo tenda. 

Tshifhingambekanywa

Dokotela ane a khou vha lafha u ḓo tshea uri vha dzula tshifhinga tshingafhani.

Zwi ita vhugai

• Tshumelo ndi mahala arali vho ṱanganedzwa kha tshiimiswa tsha zwa vhulwadze ha  muhumbulo tsha muvhuso vha songo tou funa.
• Kha vha ṱhogomele: Zwiṱukuṱuku zwi a badelwa arali  vho ṱanganedziwa nga u tou funa.

Fomo dzi no tea u ḓadzwa

Tshumelo ndi mahala arali vho ṱanganedzwa kha tshiimiswa tsha zwa vhulwadze ha  muhumbulo tsha muvhuso vha songo tou funa.Kha vha ṱhogomele: Zwiṱukuṱuku zwi a badelwa arali  vho ṱanganedziwa nga u tou funa.

Vha kwama inyi

Mental health help line - 0800 12 13 14