Khumbelo ya thendelo ya u rengisela khovhe mashango?avha u itela vhubindudzi

Ngaha na u ita khumbelo ya u vhambadzela nnḓa khovhe dza u rengisa

Uri vha tendelwe u rea khovhe, sa khovhe ya marine u ite khumbelo kha Muhasho wa Vhulimi, Maḓaka, na Vhufuwakhovhe. Minisṱa wa Vhulimi, Maḓaka na Vhufuwakhovhe kana vhulanguli ho hweswaho maanḓa a u fha dziphemithi.

Arali vha tshi khou ita khumbelo ya phemithi dza u vhambadzela nnḓa tuna ya bigeye, tuna ya sothern bluefish, swordfish, Antarctic toothfish na Patagonian toothfish, vha fanela u nambatedza ḽiṅwalo ḽa tshivhalo tsha dzine vha ḓo fasha kha muhwalo muṅwe na muṅwe. Maṅwalo a tshivhalo tshine tsha ḓo fashiwa a wanala kha Muhasho wa Vhulimi, Maḓaka na Vhufuwakhovhe, Davhi ḽa: Vhulanguli ha Vhufuwakhovhe.

Vha dzhiele nzhele. Hei phemithi ya u vhambadzela nnḓa I fhelelwa nga tshifhinga nga murahu ha miṅwedzi miraru nahone a zwi kateli khovhe dza maḓini avhuḓi. Vha fanela u ita khumbelo ya phemithi musi yo no fhelelwa nga tshifhinga.

U kundelwa u tevhedza maga a phemithi zwi nga ita uri i fheliswe kana u phumulwa. U itela u vhambadzela nnḓa zwithu zwo tevhekanywaho kha CITES (Convention on International Trade in Endangered Species) vha fanela u kwama Muhasho wa zwa Mupo. U ḓivha zwinzhi nga CITES vha dalele www.cites.org.za.

Zwine vha tea u ita

• Vha ḓivhadze davhi ḽa tsinisa ḽa Tshumelo ya maimo ya Afrika Tshipembe (South African Bureau of Standards) malugana na muhwalo une wa ḓo vhambadzelwa nnḓa arali khovhe dzine dza khou vhambadzelwa nnḓa dzi si thethe nahone dzi sa ḽei nga vhathu, arali khovhe dzi thethe nahone dzi tshi ḽea nga vhathu, vha fanela u ya kha photho ya mutakalo.
• Vha ye kha Muhasho wa Vhulimi, Maḓaka, na Vhufuwakhovhe wa Kapa. B Ground Floor, Fisheries Management, Foretrust Building, Martin Hammerschlag Way, Foreshore, Cape Town vha wane fomo ya Khumbelo ya u vhambadzelwa khovhe
• Vha ḓadze fomo dza khumbelo nga zwidodombedzwa zwi tevhelaho:
  • ḓiresi ya fhethu ya vhaṱunḓu kha shango ḽine ḽa khou vhambadzelwa
  • Madzina o ḓoweleaho na a tshisaintsi a tshaka dza khovhe dzine dza khou vhambadzelwa nnḓa
  • ndeme ya tshaka dza khovhe dzine dza khou vhambadzelwa nnḓa
  • khophi dza maṅwalo a tshivhalo tsha khovhe dzine dza ḓo fashiwa dzi fanela u ṋetshedzwa kha tuna ya biyege, tuna ya southern Bluefin, sword fish, na Patagonian toothfish dze dza vhambadzelwa nnḓa nga phemithi yo fhiraho
  • ḽiṅwalo ḽavho ḽa vhuṋe (ID) na maṅwalo a vhuḓiṅwalisi a khamphani yavho, khamphani ya vhushumisani kana pfano
  • phemithi dza u vhambadzela nnḓa dzi no bva kha Muhasho wa Mbambadzo na Makwevho kana nḓivhadzo dza phemithi (ITAC)
  • ṱhanziela ya thendelo ya muthelo yo bviswaho na u ṋetshedzwa nga vha Tshumelo ya Muthelo ya Afrika Tshipembe (SARS).

• Arali ho vha na dzhendedzi ḽo shumiswaho, thendelano vhukati ha masia mavhili i fanela u nambatedzwa na khophi dza ID dza vhasaini
• Arali vha sin a phemithi ya pfanelo ya u rea khovhe, vha fanela u ḓisa na zwi tevhelaho:
  • vhuṱanzi ha nyisedzo na ḓiresi dza fheth dza vhaḓisedzi vh khovhe dza marine dzine dza khou vhambadzelwa nnḓa
  • madzina o ḓoweleaho na a tshisaintsi a tshaka dza khovhe dzine dza khou vhambadzelwa nnḓa
  • ndeme ya tshaka dza khovhe dzine dza khou vhambadzelwa nnḓa

• Vha badele mbadelo yo randelwaho kha akhaunthu i tevhelaho:
  Bannga: Nomboro ya akhaunthu: Lushaka lwa Akhaunthu: Dzina ḽa Muṋe wa Akhaunthu: Dzina ḽa Davhi: Khoudu ya Davhi: Vha founele tshumelo ya dzikhasiṱama uri vha fhiwe referentsi (021 402 3911)

• Vha rumele khumbelo kha Muhasho wa Vhulimi, Maḓaka na Vhufuwakhovhe: Private Bag X2, Roggebaai, Cape Town, 8012. Vha fanela u posa na u ḓisa khumbelo ya u thoma; lune arali vha kundelwa a vha nga wani phemithi.

Tshifhingambekanywa

Zwi nga dzhia maḓuvha a 7 a mushumo kana u fhira, tenda ha vha ho itwa khumbelo nga nḓila yone na khwaṱhisedzo ya mbadelo.

Zwi ita vhugai

Mbadelo dza 2015/16

Fomo dzi no tea u ḓadzwa

Vha ye kha Muhasho wa Vhulimi, Maḓaka, na Vhufuwakhovhe wa Kapa. Ground Floor, Branch Fisheries  Management, Foretrust Building, Martin Hammerschlag Way, Foreshore, Cape Town vha wane fomo ya Khumbelo ya u vhambadzelwa khovhe.

Vha kwama inyi