Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha na u vusuluswa ha garaṱa ya ḽaisentsi ya u reila
Vha fanela u vusulusa ḽaisentsi yavho ya u reila hu tshe ho sala vhege nṋa uri i fhelelwe nga tshifhinga. Arali vha vusulusa yo no fhela, vha ḓo fanela u ita khumbelo ya ḽaisentsi ya u reila ya tshifhinganyana vho badela na iṅwe tshelede musi vha tshe vho lindela ḽaisentsi yavho ya u reila i tshi bviswa.
Vha dzhiele nzhele hezwi: Uri vha vusuluse ḽaisentsi yavho, a vha nga lavhelelwi u ita ndingo ya u reila fhedzi vha ḓo itwa ndingo ya maṱo na magunwe avho a dzhiwa. Zwiṅwe zwine vha nga ita ndi u ita ndingo kha dokotela wa maṱo vha isa fomo kha senthara kha senthara ya u linga (DLTC). Arali maṱo avho a sa tsha vhona u fana na musi vha tshi lingwa tshifhingani tsho fhiraho hu ḓo vhewa maga maswa kha ḽaisentsi yavho ya u reila.
Zwine vha tea u ita
- Kha vha ye kha senthara ya ndingo dza u reila na zwi tevhelaho:
- ḽiṅwalo ḽa vhuṋe (ID) na khophi yavho ya ID, garaṱa ya ḽaisentsi yavho ya kale kana ḽiṅwalo ḽa u enda ḽa Afrika Tshipembe ḽine ḽa shuma
- zwinepe zwa muvhala mutswu na mutshena zwa ID zwiṋa
- tshelede ya u badela yo randelwaho.
- Vha ḓadze fomo ya DL1, Khumbelo ya u vusulusa garaṱa ya ḽaisentsi.
- Vha ḓo itwa ndingo ya maṱo kana vha ḓa vho ita kha dokotela wa maṱo ane vha funa vha ḓa na mvelelo kha DLTC.
Fomo dzi no tea u ḓadzwa
Fomo ya Khumbelo ya u vusulusa ḽaisentsi, DL1. Fomo i wanala kha senthara ya ndingo ya ḽaisentsi dza u reila na kha eNatis.
Contact the relevant municipality