Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha ha u ita khumbelo ya u shandukisa ṱhanziela ya u reila yavho ya ḽinwe shango
Arali vho no ṋetshedzwa tshidzulapo tsha Afrika Tshipembe tsha tshoṱhe, vha fanela u shandukisa ṱhanziela yavho ya u reila ya ḽinwe shango u ya kha ya Afrika Tshipembe hu sa athu u fhela ṅwaha wa u wana tshidzulapo tsha tshoṱhe.
Arali vha kundelwa u shandukisa ḽaisentsi yavho hu sa athu u fhela nwaha, i ḓo dzhiiwa sa i siatsha shumiho.
Vha nga dovha vha ita khumbelo ya u shandukisa ṱhanziela yavho ya u reila u ya kha ya Afrika Tshipembe arali vha na thendelo ya vhurumelwa fhedzi vha si na tshidzulapo tsha tshoṱhe.
Arali ḽaisentsi i si ho kha luthihi lwa nyambo dza tshiofisi dza Afrika Tshipembe, vha fanela u wana luṅwalo lwa u pindulela ḽaisentsi nga vhalanguli vha re mulayoni.
Senthara ya ndingo ya ḽaisentse ya u reila i ḓo bvisa ḽaisentse ya u reila arali i tshi fushea kha uri:
- vhone ndi vhone muṋe wa ḽaisentse ya u reila ya mashangoḓavha
- vha ḓo ṋetshedza ḽaisentse yavho ya u reila ya mashangoḓavha kana phemithi ya u reila musi vha tshi ṱanganedza ḽaisentse yavho ya u reila ya Afurika Tshipembe.
- A vha nga ḓo toḓwa u pfi vha ye u ita ndingo ya ḽaisentse ya u reila fhedzi ndingo dza maṱo dzi ḓo itwa phanḓa ha musi hu tshi khunyeledzwa tshandukiso.
Zwine vha tea u ita
- Kha vha ye sentharani ya u lingela ḽaisentsi ya u reila (DLTC) vunḓuni ḽe vha wana madzulo a tshoṱhe khaḽo.
- Kha vha ḓadze fomo (DL1) ya Khumbelo ya u shandukisa ḽaisentsi ya u reila sentharani ya u lingela ḽaisentsi ya u reila iṅwe na iṅwe.
- Kha vha ḓadze fomo ya nḓivhadzo ya tshanduko ya ḓiresi kana zwidodombedzwa zwa muthu kana dzangano (NCP).
- Vha fanela u ṱuwa na zwi tevhelaho:
- Vhufaedzi vhu ṱanganedzeaho sa zwine zwa ṱoḓwa nga theo ya milayo ya Afrika Tshipembe (tsumbo, ḽiṅwalo ḽa vhuṋe (ID), ID ya tshifhinganyana, ḽiṅwalo ḽa u tshimbila ḽa Afrika Tshipembe, kana ḽiṅwalo ḽa u tshimbila ḽa mashango a nnḓa na phemithi ya madzulo a tshoṱhe)
- Zwinepe zwiṋa zwa ID zwi si na muvhala
- Ḽaisentsi ya u reila yavho ya mashango a nnḓa
- Vhuṱanzi ha madzulo a tshoṱhe Riphabulikini a Afrika Tshipembe
- Vhuṱanzi ha uri vho vha vha si mudzulapo wa tshoṱhe wa Afrika Tshipembe nga tshifhinga tsha musi vha tshi wana ḽaisentsi yavho ya mashango a nnḓa (sa tsumbo, vha nga ri sumbedza ḽiṅwalo la u tshimbila, phemithi ya madzulo a tshoṱhe kana visa)
- Luṅwalo lwa tshandulelo ya ḽaisentsi nga maanḓalanga a re na vhukoni arali ḽaisentsi i si nga luṅwe lwa nyambo dza ofishala dza Afrika Tshipembe
- Khwaṱhisedzo u bva kha maanḓalanga a bvisaho ḽaisentsi ya u reila (i ambaho nga khoudu na khethekanyo yo teaho ya tshiendisi tshine muthu o tendelwa u reila tshone) ine a yo ngo khantselwa kana u imiswa
- Kha Phemithi ya u Reila ya Dzitshakha (IDP), vha fanela u kumedza ḽaisentsi ya u reila kha maanḓalanga e a bvisa phemithi iyo.
- Vhuṱanzi ha ḓiresi yavho ya poswo na ya hune vha dzula hone sa tsumbo, akhaundu ya maḓi kana muḓagasi. Arali akhaundu iyo i si madzinani avho, muṋe wayo u fanela u ita ḽianelwa ḽi ambaho uri vhone vha dzula ḓiresini yawe nahone tshitatamennde tsha maḓi kana muḓagasi tshi farekanywe na ḽianelwa.
- Arali vha tshi dzula vhudzulavhathu hu si fomala, vha fanela u ḓisa luṅwalo lu re na tshiṱemmbe tsha datumu tsha ofishala u bva kha mukhantselara wa wadi lu khwaṱhisaho ḓiresi yavho ya poswo na ya madzulo.
- Senthara ya u lingela ḽaisentsi ya u reila i ḓo bvisa ḽaisentsi ya u reila arali yo fushea uri:
- Vha muṋe wa ḽaisentsi ya u reila ya mashango a nnḓa
- Vha ḓo kumedza ḽaisentsi yavho ya mashango a nnḓa kana phemithi ya u reila musi vha tshi tanganedza ḽaisentsi yavho ya Afrika Tshipembe.
- Vha nga itwi ndingo dza ḽaisentsi ya u reila fhedzi u lingwa maṱo hu ḓo itwa henefho phanḓa ha musi u shandukiswa hu pendelwa.
Tshifhingambekanywa
Tshifhinga tsha u shandukisa ṱhanziela ya u reila tshi fhambana zwi tshi ya nga senthara ya ndingo zwi tshi itiwa nga maitele a mbalelano a nga ngomu.
Zwi ita vhugai
Kha vha kwame ofisi yavho yapo ya ḽaisentsi u vhudzisa mutengo.
Fomo dzi no tea u ḓadzwa
Fomo ya u Khumbelo ya u vusulusa ḽaisentsi (DL1) i wanala kha senthara ya ndingo ya ḽaisentsi dza u reila na kha eNatis.
Vha kwama inyi
Contact your local department of transport
