Khumbelo ya tshumelo ya khasho ya radio ya tshitshavha

Maitele na tshifhinga tsha u itwa ha tshumelo

Zwidodombedzwa zwa vhukwamanyi

Ḽaisentsi ya Khasho ya Tshitshavha i fusha ṱho ḓea dza tshitshavha lwa miṅwaha miṋa. Ḽaisentsi iyi i a bvusuludzwa nahone khumbelo ya mvusuludzo i tea u itwa miṅwedzi miraru phanḓa ha musi ḽaisentsi i tshi guma u vha mulayoni. Ḽaisentsi i nga bvusuludzwa nga ICASA arali tshumelo yo tevhela milayo yoṱhe tshifhingani tsha miṅwaha miṋa yo fhiraho. Ḽiasentsi i ṋewa zwitshavha zwe zwa vhumba khamphani ya Section 21, Trust, voluntary association kana tshivhumbiwa tshiṅwe na tshiṅwe tshine tsha vha mulayoni. Ndivho dza Ḽaisentsi ya miṅwaha miṋa ya Khasho ya Tshitshavha ndi dzi tevhelaho:

ṱhu ṱhuwedzo ya pfanelo ya u davhidzana na mbofholowo ya vhuḓiambeli
u anda ha tshumelo dza khasho
u shela mulenzhe ha tshitshavha sa vhabveledzi, vhalanguli na vhathetshelesi kha vhudavhidzani
u vha ipfi ḽa tshitshavha
mbekanyamushumo dzine dz sedzana na ṱho ḓea dza tshitshavha, dzine dza katela mvelele, luambo, vhurereli na vhupo

Ḽaisentsi ya miṅwaha miṋa ya Khasho ya Tshitshavha i nga ṋekedzwa kha khethekanyo dzi tevhelaho:

Tshumelo ya khasho ya radio
Tshumelo ya khasho ya theḽevishini.

Ḽaisentsi i mulayoni lwa miṅwaha miṋa.

Muhasho wa Vhudavhidzani u tikedza tshumelo dza khasho dza tshitshavha nga mitshini ya khasho arali tshumelo dzi tshi tshimbidzana na ṱho ḓea dza Muhasho.

Maga a tevhelwaho

ICASA i ḓo phaḓaladza thambo ya khumbelo ya tshumelo ya khasho ya radio ya tshitshavha ya dovha ya ḓivhadza na zwirathisi zwine zwa vha hone. Vhone sa muiti wa khumbelo vha tea u ita zwi tevhelaho:

Kha vha te tshigwada tshine tsha ḓo vha na vhuḓifhinduleli ha u ita khumbelo ya tshumelo nahone tshi vhe tshone muiti wa khumbelo
Kha vha vhone uri tshigwada itsho tshi ita zwi tevhelaho:
- tshi kuvhanganya tsaino dza thikhedzo tshitshavhani
- tshi ṅwala mbekanyamaitele ya bindu
- tshi vhona uri hu vha na khetho dza dimokirasi dza miraḓo ya Bodo
- tshi dzhia tsheo ya uri tshirathisi tshi do vha ngafhi.
Kha vha humbele fomo ya khumbelo ya khasho na ya u rathisela.
Kha vha ḓadze fomo ya khumbelo nga u ṅwala nga maḽe ḓere mahulwane.
Kha vha ise fomo ya khumbelo na khophi dza 16 dzo sethifaiwaho kha ICASA na mbadelo ya khumbelo.