Mbekanyamushumo ya Khwiṋiso ya Vhukoni kha zwa Zwiambaro na Malabi (CTCP)

Mbekanyamushumo ya Khwiṋiso ya Vhukoni kha zwa Zwiambaro na Malabi (CTCP) i khou sedza kha u fhaṱa vhukoni vhukati ha vhabveledzi na kha maṅwe masia na  matshimbidzele a zwa zwimbaro Afrika Tshipembe, hu u itela uri vha kone u ḓo isa kha vharengi vhavho nga nḓila yo khwaṱhaho na uri vha kone u ṱaṱisana na vhaṅwe ḽifhasini ḽoṱhe. Kuṱaṱisanele ukwo ku katela mafhungo a u ḓurelwa, ndeme, u ri zwi vhe zwine zwa nga fulufhelwa, zwi vhe zwine zwa nga shumisea hoṱhe kathihi na vhukoni ha kubveledzele kwa vhukoni.               

Nga murahu ha musi muvhuso wo ta ṱhoḓea ya 100% ya zwa nga ngomu fhano hayani, sekhithara ya zwiambaro, malabi, mukumba na tshiambadzwamulenzhe yo vhona u vhuiswa hafhu ha zwibveledzwa zwe mveledziso yazwo yapo yo vha yo imiswa. Hezwi zwi katela malabi a bveledzelwaho mushumo mukene, tshiambadzwamulenzhe tsha tsireledzo, malabi a tsireledzo na malabi o itwaho nga luguli.

Ṱhaḓulo iyi, yo tikedzwa hafhu na nga Mbekanyamushumo ya Khwiṋiso ya Zwiambaro na Malabi a re na Vhuṱaṱisani na maṅwe, yo shela mulenzhe kha u shandukisa sekhithara. Kha phindulo ya nga ha u shululelwa ha zwiambaro zwa mutengo wa fhasi u bva nnḓa, muvhuso wo engedza muthelo wa u ṱunḓa zwiambaro nnḓa u ya kha 45% zwi tshi ya nga ndaulo dza Dzangano ḽa Mbambadzo ya Ḽifhasi.

Kha vha wane zwinzhi kha Muhasho wa Mbambadzo na Nḓowetshumo(dti).

 

the dti Customer Contact Centre
Tel: 0861 843 384

Share this page