Vutirheli eka vanhu va Afrika Dzonga lava nga vakhomiwa

Maafrika-Dzonga lava va khomiweke kumbe lava va pfaleriweke ematikweni mambe va nga ha kombela mipfumelelo ku va pfumelela ku tihlanganisa na muyimeri wa Afrika-Dzonga eka tiko rero. Hi ndlela yin’wana, munhu un’wana a nga tihlanganisa na muyimeri wa Afrika-Dzonga eka tiko rero kumbe Tihofisi ta Mitirho ya Xiyengenkulu xa Ndzawulo ya Vuxaka bya Matiko ya Misava na Ntirhisano ePitori ku va yimela.

Vatirhi va le tihofisini ta vayimeri va matiko va ta pfuneta ku vona leswaku vaakitiko va Afrika-Dzonga lava va khomiwaka ematikweni mambe va khomiwa hi ndlela ya vumunhu loko va karhi va pfaleriwa ekhotsweni. Va ta endzela muaki loyi a khomiweke, ku nyika vuxokoxoko mayelana na matirhelo ya nawu wa tiko na ku tihlanganisa na ndyangu kumbe vanghana, loko xikombelo xi endliwa hi ku tsala.

Hlaya swo tala mayelana hi mpfuneto eka Maafrika-Dzonga lava va khomiweke ematikweni mambe,  kumbe u tihlanganisa na muyimeri wa Afrika-Dzonga kumbe Tihofisi ta Xiyengenkulu xa Mitirho ta le kusuhi ePitori.

 

Share this page