Hi
Leswi u faneleke ku swi endla
Leswi u faneleke ku swi endla
Xana swi durha mali muni
Tifomo leti tatiwaka
Vuxokoxoko bya vutihlanganisi
Hi ku tsarisa xitichi xo kambela mimovha (VTS)
VTS i senthara leyi kambelaka ku ringanela ka mimovha leswaku yi tirhisiwa eka magondzo ya mfumo wa Afrika Dzonga. Loko movha wu pasa xikambelo, xitifikheti xo lulamela ku tirhisiwa egondzweni xa humesiwa.
Ku tsarisa xitichi xo kambela mimovha (VTS), u fanele u tsala xihlambanyo xa vumbhoni kumbe ntiyisiso lowu kombisaka swivangelo swa ntsariso kutani u swi yisa eka MEC.
Xihlambanyo xa vumbhoni kumbe ntiyisiso lowu hlamuseriweke wu fanele wu va na:
- Vuxokoxoko bya munhu un’wana na un’wana, kumbe swirho kumbe valawuri va munhu un’wana na un’wana wa nawu loyi xitichi xexo xo kambela xi nga ta tsarisiwa hi vito ra yena eka xiyimo laha xikombelo xexo xi nga ta nyikiwa mpfumelelo;
- Ndhawu ya xiviri ya xitichi xo kambela lexi ringanyetiwaka;
- Tlawa lowu nga ta tirhisiwa wa xitichi xo kambela (Xitichi xo kambela xa Tlawa wa A xi pfumeleriwile ku xiyaxiya no kambela mimovha ya tlawa wihi na wihi ku lulamela ku tirhisiwa egondzweni, naswona xitichi xo kambela xa Tlawa wa B xi pfumeleriwile ku xiyaxiya no kambela mimovha ya tlawa wihi na wihi ku nga katsiwi bazi, swibazana kumbe movha lowu hundzaka ntiko wa 3500kg); naswona
- Timhaka hinkwato leti nga fanela eka ku tekeriwa enhlokweni ka ku ringanela ka xikombelo xexo, leti hlamuseriweke eka ntwanano lowu nga ta hetisisiwa exikarhi ka MEC na nwinyi wa xitichi xo kambela tanihi leswi swi ringanyetiweke eka Xedulu xa 3 xa Nawu wa Magondzo ya Rixaka .
Loko xi kumiwile, MEC u ta anakanya xikombelo xa wena.
Loko xikombelo xa wena xi pfumeleriwile, leswi landzelaka swi fanele ku fikeleriwa:
- VTS ya wena yi fanele yi landzelela swilaveko swa switichi swo kambela tanihi leswi swi kombisiweke eka Xedulu xa 4 xa Nawu wa Magondzo ya Rixaka wa No. 93 wa 1996.
- Vuswikoti byo kambela no xiyaxiya movha ku ya hi “Vukamberi na vuxiyaxiyi bya mimovha” tanihi leswi swi kombisiweke eka SANS 10047
Ku xiyaxiya na ku kambela movha exitichini xo kambela tanihi leswi swi lavekaka eka khodi ya mintolovelo ya SAB 047 “Ku kambela mimovha ku lulamela ku tirhisiwa egondzweni”.
- Yana eka vulawuri bya wena bya xifundzankulu
- Tata fomo ya xikombelo ya TSI.
- Yisa leswi landzelaka:
- tsalwa ro tiyisisa
- vuxokoxoko bya swirho kumbe valawuri
- ndhawu ya xiviri ya xitichi
- tlawa wa xitichi
- pasi ra wena (ID).
- Hakela hakelo leyi lerisiweke.
Lemuka : U ta laveka ku yisa matsalwa tanihi leswi swi laviwaka hi MEC.
Swi nga teka ntsevu wa tinhweti ku purosesa xikombelo xa wena.
Tihlanganisi na hofisi ya wena ya tilayisense ku kuma hakelo.
Swikombelo na switiviso hi mayelana na ntsariso tanihi xitichini xo kambela, TS1 (Application and notice in respect of registration as testing station, TS1)
Contact your local municipality
