Xikombelo xo tsarisela tanihi muleteri wo chayela

Hi

Leswi u faneleke ku swi endla

Leswi u faneleke ku swi endla

Xana swi durha mali muni

Tifomo leti tatiwaka

Vuxokoxoko bya vutihlanganisi

Hi ku tsarisela tanihi muleteri wo chayela

Ku va u va muleteri wa ku chayela loyi a pfumeleriweke eAfrika-Dzonga, u fanele ku va u titsariserile eka ndzawula ya swifambo ya le xifundzeninkulu. Valeteri va ku chayela va fanele va va na xitifikheti lexi xi kombisaka giredi kumbe ntlawa wa movha lowu va nga thwasela ku letela vadyondzi eka wona.

Valeteri va hlawuriwa hi ndlela leyi:

• Giredi A - muleteri u kota ku letela munhu ku kuma layisense yo chayela ya khodi yin'wana na yin'wana loko muleteri yaloye a ri na layisense yo chayela ya khodi EC yo chayela movha lowu nga na tigere na layisense yo chayela ya khodi A;
• Giredi B - muleteri u kota ku letela munhu ku kuma layisense yo chayela ya khodi B, C1, C, EB, EC1 na EC, nakambe muleteri u fanela ku va na layisense yo chayela ya khodi EC yo chayela movha wa tigere:
• Giredi C - muleteri u kota ku letela munhu ku kuma layisense yo chayela ya khodi A1, A na B, muleteri yaloye u fanele ku va na layisense yo chayela ya khodi EB yo chayela ya khodi A;
• Giredi D - muleteri u kota ku letela munhu ku kuma layisense yo chayela ya khodi B, nakambe muleteri yaloye u fanela ku va na layisense yo chayela ya khodi EB yo chayela movha wa tigere; kumbe
• Giredi L - muleteri u kota ku letela munhu ku va a kuma layisense ya mudyondzi ya khodi yin'wana na yin'wana.

U ta tirha ntsena na ntlawa wa mimovha leyi u nga pfumeleriwa ku tirhisa yona. Xitifikheti xa vuleteri xi tirha lembe rin'we ntsena.

Leswi u faneleke ku swi endla

1. Yana eka senthara yo kambela layisense yo chayela ya le kusuhi na fomo ya wena ya Setifikheti ya swa vutshunguri (MC) ku buka siku ro kamberiwa.
2. Tata fomo ya Xikombelo xo rhijisitara tanihi muleteri wa vachayeri ya (RI).
3. U ta rhumeriwa eka xitici xa maphorisa ku kuma setifikheti yo basisiwa.
4. Hi siku leri nyikiweke ku kambela, u ta tsala xikambelwana. Loko u pasa, u fanele ku hakela mali leyi pimiweke.
5. Senthara yo kambela yi ta rhumela xikombelo xa wena eka MEC ku pasisa kumbe ku ala. Loko swi pasisiwa, senthara yo kambela yi ta humesa phemiti.

Leswi u faneleke ku swi endla

Mpfumelelo wu nga va wu lulamile eka tsevu kuya eka nhungu wa mavhiki.

Xana swi durha mali muni

Tihlanganisi na hofisi ya tilayisense eka ndhawu ya wena ku vutisa hi nxavo.

Tifomo leti tatiwaka

• Fomo ya RI, Xikombelo xo titsarisela tanihi mudyondzisi wo chayela
• Fomo ya MC, Fomo ya Rihanyo

Tifomo ta kumeka eka ti-DLTC (tisenthara to kambela layisense yo chayela) / eNaTIS

Vuxokoxoko bya vutihlanganisi