Xikombelo xo rejistara tani hi muhakeri wa muthelo

U fanele ku titsarisa tanihi muhakeri wa xibalo na Xiyenge xa Xibalo xa Afrika-Dzonga (SARS) loko u hola ku tlula mali yo karhi leyi yi pimiweke lembe rin’wana na rin’wana. U fanele ku titsarisa exikarhi ka 60 wa masiku ya ku kuma muholo.

Tsarisa tanihi muhakeri wa xibalo, hi ku tata fomo yo titsarisa ya IT77 leyi yi nga ha kumekaka eka webusayiti ya SARS.

Ndlela yo tlherisa mali ya xibalo – hi un’weun’we

Loko u kala u tsarisa ku hakela xibalo na ku nyikiwa nomboro ya xibalo, u nga ha tsarisa e-Filing eka www.sarsefiling.co.za na ku tata fomo ya xibalo xa muholo eka inthanete loko ku sungula nguva ya xibalo. Loko u nga tsarisi e-Filing, SARS yi ta ku rhumela fomo leyi u fanele ku yi tata na ku yi tlhelerisela endzhaku.

U fanele ku yisa xibalo hi nongonoko eka SARS ku hlayela loko u fanele ku hakela xibalo xo tala kumbe loko va fanele ku ku tlherisela mali. Xibalo xa muholo i xibalo xa ntolovelo lexi xi hakeriwaka eka xibalo xa muholo wa wena.

  Kuma swo tala mayelana na hilaha u nga tsarisaka hakona tanihi muhakeri wa xibalo na hilaha u nga tlherisaka hakona mali ya xibalo kumbe u tihlanganisa na SARS ku kuma vuxokoxoko byo tala.