Xikombelo xa Vutirheli bya vanhu eka Matiko ya Misava

Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa  

 

 

 

Nhlamuselo xikombelo xa Vutirheli bya vanhu eka Matiko ya Misava

Va nhlangano wa International Social Service (ISS) I nhlangano lowu nga ri ku ehansi ka mfumo (NGO) wa matiko ya misava lowu nga voyamelangiku tlhelo ro karhi eka swa tipolitiki, ntlhohe, vugandzeri, kumbe hi swa matiko, wu na General Secretariat eGeneva, eSwitzerland. Vutirheli lebyi byi na netweke ya vatirhela-nhlayiso wa vanhu (social workers) lava va nga leteriwa na lava va nga na vutivi hi matiko ya vona.

Va ISS va pfunana na vanhu na mindyangu lava nga na swirhalanganyi lava leswi ku lavekaku ku tirhisana ka matiko eka swona. Mpfuneto wu kumeka eka munhu wun’wana na wun’wana Riphabuliki ra Afrika Dzonga na le muxe.

Magoza lama faneleke ku landzeleriwa

  1. Swikombelo swa vanhu lava tshamaku eAfrika Dzonga:
    • Endla xikombelo eka hofisi ya mutirhela-nhlayiso wa vanhu (social worker)
    • Endla nkomiso (samari) ya mhaka hi ku landza fomati leyi nga vekiwa hi va ISS. Nkomiso wa mhaka (case summary) wu ta hlamusela swiyimo na xikombelo xa vutirheli lebyi lavekaku eka tiko ra le handle.
    • Rhumela nkomiso wa mhaka (case summary) eka muyimeri wa xifundzhankulu (provhinsi) wa ISS eHofisi Nkulu ya Ndzawulo ya Nhluvuko wa Vanhu (Social Development)
    • Muyimeri wa xifundzhankulu u ta hundzisela xikombelo eka va nhlangano wa International Social Service of South Africa (ISS SA), leyi nga le ka Ndzawulo wa tiko wa Nhluvuko wa Vanhu.
  2. Swikombelo swa vanhu lava tshamaku eAfrika Dzonga:

    • Endla xikombelo eka Byuro leyi nga hansi ka ISS kumbe wo khumbana na yena eka tiko rin’wana.
    • Va byuro va ta rhumela xikombelo eka va ISS SA.

Milawu leyi tirhisiwaku

Vutirheli bya mpfuneto wa vanhu eka matiko ya misava (international social services) i vutirheli lebyi byi endliwaku hi ku landza kontraka exikarhi ka va Ndzawulo ya Nhluvuko wa Vanhu na ISS: General Secretariat.

Matirhelo na nkarhi wa ku endliwa ka ntirho

  • Swikombelo ku languaniwa na swona loko swi amukeriwa. Hi ku kuma swikombelo swo huma kun’wana (referral) swo huma eka ndzawulo ya xifundzhankulu, va ISS SA va ta rhumela swikombelo swa vutirheli eka va byuro ya ISS na le ka vo khumbana na vona (correspondent) eka tiko ra le handle. Nhlamulo yi ta ya hi xiyimo eka ndzhawu yeleyo.
  • Loko va amukela swikombelo swo huma eka tiko rin’wana leswi tisiwaku eka vona, va ISS SA va hundzisela mhaka eka muyimeri wa xifundzhankulu loyi a nga ta lulamisa na mutirhela-nhlayiso wa vanhu (social worker) ku endla ndzavisiso hi mhaka no nyiketa xiviko (rhipoto) eka ndzawulo ya xifundzhankulu. Loko xiviko xi amukeriwile, xi hundziseriwa eka va ISS SA, lava va xi hlayaku no xi hundzisela eka lava va khumbekaku (stakeholders), xikan’we na xibumabumelo na swivutiso.
  • Khwaliti ya vutirheli, yi tiyisiwa hi va vutirhela-nhlayiso wa vanhu (social workers) va ndzhawu na xifundzhankulu xikan’we na mutirhela-nhlayiso wa vanhu loyi a langutaneke na mhaka ehofisi ya ISS SA. Vatirela-mfumo va fanele ku landzela swinawana swa matirhelo (protocol procedures) leswi swi nga vekiwa hi va ISS: General Secretariat.

Mali leyi hakeriwaku

Vutirheli lebyi byi kumeka mahala eAfrika Dzonga kambe eka matiko man’wana, u nga komberiwa ku hakelela vutirheli lebyi. Mali leyi hakeriwaku ya hambana eka matiko yo hambana.

Tifomu leti tifaneleke ku tatiwa

A ku na tifomo leti ti tatiwaku.

Vuxokoxoko bya ku tihlanganisa

Nongonoko wa Vuhlanganisi bya xifundzankulu eka Ndzawulo ya Nhluvukiso wa Vangu

 

International Social Services of South Africa
Tel 012 312 7790/ 012 312 7591
Fax 012 323 3733
City/town Pretoria
Province Gauteng
Physical address 7th Floor, HSRC Building, 134 Pretorius Street, Pretoria, 0001
Postal address The Director, International Social Services of South Africa, Private Bag X901, 0001
Web address https://www.dsd.gov.za/

 

Share this page