Xikombelo xa mali ya xipfuneto xin’wana

Hi

Leswi u faneleke ku swi endla

Leswi u faneleke ku swi endla

Xana swi durha mali muni

Tifomo leti tatiwaka

Vuxokoxoko bya vutihlanganisi

Hi mali ya mpfuneto

Xana u hanya hi mali ya mpfuneto wa mudende kambe u hluleka ku tihlayisa? U nga kuma mpfuneto wo engetela ku hakela munhu loyi na ta ku hlayisa nkarhi hinkwawo.  

Xana u swi tiva njhani loko u ringanela?

U fanele:

• u kuma mali ya vutsoniwa sweswi, mali ya mpfuneto ya valwi va nyimpi kumbe mali ya mpfuneto ya vadyuhari
• hluleka ku tihlayisa hikwalaho ka xiyimo xa miri wa wena kumbe vutsoniwa emiehleketweni, kutani u ta lava ku hlayisiwa swa nkarhi hinkwawo hi un’wana
• nga hlayisiwi eka vandla leri amukelaka mpfuneto ku suka eka mfumo eka ku hlayisiwa ka wena kumbe yindlu.

U ta kuma mali muni?

Mali ya mpfuneto i R530 hi n’hweti.

Xana u ya hakeriwa njhani?

South African Social Security Agency (SASSA) yi ta ku hakela mali ya mpfuneto hi ku tirhisa yin’we ya tindlela leti landzelaka:

• mali ya khexe eka ndhawu yo hakela yo karhi hi siku ro karhi
• dipoziti ya elekitironiki eka bangi ya wena kumbe akhawunti ya poso (bangi yi nga koxa ntsengo eka vukorhokeri)
• humesa tanihi mufambisi wa mali ya mpfuneto (xik. nhlangano wa mpfuneto).

Mali yo engetela yi ta hakeriwa xikan’we na mali ya wena ya mpfuneto.

Lemuka: Loko u hluleka ku landza mali hi wexe, u nga thola mufambisi wa swa nawu ehofisini ya SASSA, kumbe u nyika un’wana matimba yo ahlula ku landza mali ya mpfuneto hi ku yimela wena.

Xana mali ya mpfuneto ya wena yi nga langutisiwa hi vuntshwa rini?

Mpfuneto wa wena wu nga langutisiwa hi vuntshwa loko mali ya mpfuneto wa vaaki lowu fanaka na wona wu langutisiwa hi vuntshwa.

Leswi u faneleke ku swi endla

• Yana eka hofisi ya le kusuhi ya South African Social Security Agency (SASSA) ya le kusuhi kutani u ta na leswi landzelaka:
  • pasi ya wena ya 13 wa tidijiti (ID)
  • vumbhoni bya xiyimo xa vukati na vutitivisi bya nuna/nsati wa wena laha swi faneleke
  • xiviko xa swa rihanyo kumbe xiviko xa vuhleri (ehansi ka tin’hweti tinharhu) lexi kombisaka leswaku u lava vuhlayiseki bya nkarhi hinkwawo.

Lemuka: Loko u dyuharile swinene kumbe u vabya ku ya ehofisini ku ya endla xikombelo, xirho xa ndyangu xi fanele ku endla xikombelo hi ku yimela wena. Munhu u fanele ku teka papila eka wena na/kumbe papila ra dokodela leri vulaka leswaku wa hluleka ku ta ehofisini.

• Tata fomo ya xikombelo emahlweni ka muofisiri wa SASSA (lemuka leswaku hi wena ntsena tanihi muvuyeriwa kumbe muofisiri wa SASSA a nga tataka fomo ya xikombelo). Muofisiri u ta ku vutisa swivutiso no ku byela loko u ringanela eka mali ya mpfuneto.
• U ta nyikiwa rhasiti. Yi hlayisi tanihi vumbhoni bya leswaku u endlile xikombelo.

Ku humelela yini loko xikombelo xa wena xi nga pasisiwi?

Loko xikombelo xa wena xi nga pasisiwi, SASSA yi ta ku tivisa hi ku ku tsalela leswaku hikwalaho ka yini xikombelo xa wena xi nga humelelangi.

Loko u nga pfumelelani na xiboho, u nga endla xivilelo eka Holobye wa Nhluvukiso wa Vaaki. U fanele ku endla xivilelo ku nga si hela 90 wa masiku u tivisiwile leswaku xikombelo xa wena a xi humelelangi.

Leswi u faneleke ku swi endla

• Swi nga teka tin’hweti tinharhu ku humelerisa xikombelo xa wena.
• Loko mpfuneto wa wena wa mali wu pasisiwile, u ta hakeriwa ku sukela hi siku leri u endleke xikombelo.

Xana swi durha mali muni

Vukorhokeri lebyi i mahala.

Tifomo leti tatiwaka

Tifomo leti ta kumeka eka hofisi ya le kusuhi ya vuhlayiseki bya vaaki (SASSA).

Vuxokoxoko bya vutihlanganisi