Ku amukeriwa vadyuhari eka ndhawu yo tshama

Nhlamuselo
Leswi u faneleke ku swi endla
Swi teka nkarhi wo tanihi kwihi
Matirhelo na nkarhi wa ku endliwa ka ntirho
Xana ku hakeriwa mali muni
Tifomo leti faneleke ku tatiwa
Vuxokoxoko bya ku tihlanganisa  

 

 

 

Maendlelo ya swikombelo swa ku amukeriwa ka vadyuhari eka ndhawu yo tshama

Loko u ri mudyuhari u lava vuhlayiseko bya vusiku na hlikanhi loyi a lavaka ku tshama eka muako wa vanhu lava dyuhaleke, u nga endla xikombelo eka hofisi ya soxaliweka ya le kusuhi kumbe eka muako wa vanhu lava dyuhaleke.

Ku ringanela ku amukeriwa, u fanele u va ni:

  • U lava ku hlayisiwa minkarhi hinkwayo
  • U ri ni malembe ya 60 kumbe ku tlula naswona u swerile
  • Muafrika-Dzonga
  • U ri karhi u hola mudende kumbe mali ya penceni.

Lemuka leswi: ku hava loyi anga ku amukelaka eka muako loko wena u nga pfumeri handle ka loko xiviko xa dokodela xi hlamusela leswaku u tsoniwile emiehleketweni ku ringanela ku nyika pfumelelo na xileriso xa khoto xihumesiwile. Loko ku ri ni swa xihatla xiviko xa dokodela leyi a nga titsarisela tanihi mukorhokeri wa vutshunguri xiringanerile loko ka ha yimeriwile ku humesiwa ka xileriso xa khoto.

Leswi u faneleke ku swi endla

  1. Loko u nga tivi muako lowu nga kona, ya na eka ndzawulo ya nhluvukiso wa vanhu ya le kusuhi ku kuma muako wa le kusuhi.
  2. Tata na ku tlherosa fomo ya xikombelo eka ndhawu ya ku tshama.
  3. Rhumela leswi landzelaka:
    • Pasa ra Afrika-Dzonga.
    • xiviko xa rihanyo.
  4. U ta tlhela u kamberiwa ku kuma leswaku wa ringanela ku amukeriwa na ku kuma mpfuno.
  5. Loko u dyuhale ngopfu naswona u dyuhale ku fika laha u nga swikoteki ku tifambela ku ya endla xikombelo eka hofisi, kombela xirho xa ndyangu kumbe munghana a ku endlela xikombelo.
  6. Soxaliweka u ta ku endzela ekaya ku kota ku hlela xiyimo xa mahanyelo ya wena ya sweswi.
  7. Loko xikombelo xa wena xi nga pasisiwangi u fanele u nyikiwa xivangelo lexi tsariweke naswona u nga hundzisela emahlweni eka Holobye wa Ndzawulo ya Timhaka ta Vanhu.

Lemuka leswi: Ku amukeriwa ka munhu loyi a dyuhaleke swi va kona loko ku ri na mubedwa eka muako.

Swi teka nkarhi wo tanihi kwihi

Xikombelo xi nga phurosesiwa ku nga si hela masiku ya 14. Loko masiku ya 30 ya nga si hundza endzhaku ka loko wena u endlile xikombelo u ta kuma nhlamulo.

Xana ku hakeriwa mali muni

Tihakelo ta hambana.

Tifomo leti faneleke ku tatiwa

Tifomo hinkwato ta lumeka eka muako wa vadyuhari lowu nga kusuhi.

Vuxokoxoko bya ku tihlanganisa

Nongonoko wa Vuhlanganisi bya xifundzankulu eka Ndzawulo ya Nhluvukiso wa Vangu

 

Share this page